Pas mbylljes se qendrave te votimit ne Mal te Zi, rezultatet e para jo zyrtare pervijojne nje fitore te koalicionit te kryeministrit Milo Gjukanovic.

Televizioni publik malazez njofton se me rreth 17% te votave te numruara, koalicioni i Gjukanovicit “Mali i Zi europian” ka marre 54% te tyre.

Rezultatet e cituara nga qendra per tranzicion demokratik tregojne se Partia Popullore Socialiste ka 18.9% te votave te numeruara deri tani, “Demokracia e re serbe” 8.2% dhe “Levizja per ndryshim” 4.3%.

Lideri i Partise Socialdemokrate, Millo Gjukanovic tha se koalicioni qe drejtohet prej tij ka rezultatin me te mire deri me tani ne krahasim me zgjedhjet e kaluara.

Per 81 deputetet e rinj u thirren te votonin 500 mije zgjedhes. Ne garen e parakohshme per shkak te krizes ekonomike, garuan edhe 5 subjekte politike shqiptare.

Pavaresisht skandaleve korruptive, Gjukanovic do te vazhdoje te mbaje frenat e pushtetit ne Mal te Zi, ashtu sic ka bere pa nderprerje qe prej kohes se shperberjes se ish-Jugosllavise.

1200 vezgues nderkombetare ndoqen procesin, nga ku u raportuan parregullsi te vogla. Kritiket e qeverise thone se zgjedhjet u zhvilluan enkas para kohe, ne menyre qe Gjukanovic t’i shpetonte ndeshkimit qe do te pasonte thellimin e krizes ne nje kohe te mevonshme.

Qe tani analistet po parashikojne nje sezon te veshtire turizmi kete vere, per vendin qe burim kryesor te ardhurash ka kete lloj industrie.

Top Channel