Kolegji Zgjedhor pranon ankesen e PS-se per Fierin

21/07/2009 17:45

Nen drejtimin e Dhurata Haverit, gjyqtaret Astrit Kalaja, Tom Ndreca, Meriban Mullaj dhe Petraq Dhimitri i dhane te drejte Partise Socialiste. (UPDATE)

Nepermjet avokateve te tyre, socialistet kerkonin qe nga rezultati perfundimtar i Fierit i shpallur nga KQZ-ja, te hiqeshin 440 flete votimi te fshatit Ruzhdie. Keto flete kishin mbetur me nje vule, pas largimit te sekretarit bashke me anetaret e tjere socialiste te komisionit. Sipas socialisteve, per kete ishte bere shkak nje kercenim me arme i nje komisioneri te djathte, per te cilin ata edhe kishin bere kallezim penal.

Kurse sipas demokrateve, komisioneret socialiste ishin larguar pas nje urdheri politik per te bllokuar votimin ne nje zone qe njihej si e djathte. Ne vendimin e saj, KQZ i kishte dhene te drejte Partise Demokratike, duke i cilesuar fletet me nje vule si te rregullta. Pas administrimit te provave dhe degjimit te paleve, kolegji u terhoq per te marre vendim.

“Ne perfundim te shqyrtimit, Kolegji Zgjedhor prane Gjykates se Apelit Tirane, bazuar ne ligjin 10019 neni 158 fraksion 3, vendosi pranimin e pales paditese qe eshte Partia Socialiste”, deklaroi anetarja e Kolegjit Zgjedhor, Dhurata Haveri. Ky vendim nuk leviz shperndarjen e mandateve per Fierin. Nuk mund te thuhet e njejta gje per ceshtjen e Beratit, ku 3 mije vota jane shpallur te pavlefshme.

Kjo ceshtje do te shqyrtohet te merkuren ne oren 10 paradite. Trupi gjykues do te jete serish i njejti, me perjashtim te Astrit Kalase, qe do te zevendesohet nga Marie Qirjazi. Trupa prej 5 gjyqtaresh per cdo ceshtje hidhet me short mes 8 anetareve qe ka gjithsej Kolegji Zgjedhor. Vete keta 8 gjyqtare jane perzgjedhur me short mes gjyqtareve te gjykatave te apelit.

Top Channel