Fazllic rikthehet ne Shqiperi

Pas shitjes se kompanise “Crown Aquisition” dy vjet me pare tek nje kompani qipriote, dy jave me pare biznesmeni Fazllic ka shitur nje tjeter nga bizneset e tij ne Shqiperi dhe serish bleresi rezulton nje shoqeri qipriote. Kompania Alpha SHPK, e cila figuronte 100 per qind ne pronesi te Fazllic i eshte shitur shoqerie “Irongold services limited” per 1 milione e 250 mije euro.

Transaksioni konfirmohet nga dokumentat zyrtare te QKR-se. Ne kontraten e paraqitur ne QKR, palet kane deklaruar se nga cmimi total, shuma prej 950 mije euro do te konsiderohet si kompesim per nje hua qe Fazllic ka marre nga shoqeria qipriote ne vitin 2007, ndersa pjesa tjeter do te paguhet ne dore. Te dy transaksionet duken se kane lidhje me njera-tjetren. Dokumentet tregojne se perfaqesuesi ligjor i shoqerine “Irongold services” ne kete transaksion eshte Aleksander Sculic, nje shtetas serb nga Beogradi qe mban postin e drejtorit te zhvillimit ne kompanine serbe “Rudnap”, kompani kjo e perfolur per lidhje te forta me Fazllicin.

Ne fakt, pak kohe me pare “Rudnap” u ble nga shoqeria qipriote “Altaria research limited”, qe eshte e njejta shoqeri te ciles dy vjet me pare Fazllic i shiti kompanine e tij ne Shqiperi “Crown Aquisition”. Ky transaksion u hetua nga njesia task force ne Prokurorine e Tiranes, pasi kishte dyshime per pastrim parash.

Por hetimet u mbyllen pasi hetuesit nuk siguruan dot prova per ta akuzuar Fazllicin. Burime nga Drejtoria e Pergjithshme e Tatimeve bene te ditur per Top Channel se Alfa ka qene aktive vitet e fundit, por rezulton  te jete debitore me nje detyrim te papaguar tatimor prej 1 milione lekesh.

Top Channel