Nata e Bardhe, Tirana “harron” gjumin

Banda e Bashkise se Tiranes celi siparin e aktiviteteve te shumta deri ne agim per te argetuar grupmosha te ndryshme e per t’i dhene nje tjeter kuptim rrugeve dhe shesheve kryesore te Tiranes. Qytetaret vizituan  ambientet e bashkise ku u takuan si cdo vit me kryetarin Edi Rama qe i pret per t’u dhuruar atyre foton tradicionale.

Muzika eshte kryefjala e festes qe se pari i la vend kengetareve dhe balerineve te vegjel qe mbushen lulishten e “Skenderbeut” me tullumace e libra. Galeria e Arteve mirepriti maratonen e grupeve dhe zhanreve te ndryshme te muzikes qe nga Ansambli Tirana, e deri tek talentet e pazbuluar te karaokes apo grupet e mirenjohur te rokut dhe hip-hopit.

Ndersa ne uren e re ne hyrje te ish bllokut, tingujt magjike te muzikes klasike nga kompozitoret boterore dhuruan nje atmosfere te vecante romantike per t’ja lene vendin me pas entuziazmit dhe harese te Cirkut te Tiranes. Nderkohe qe nostalgjia e veteraneve ne diten e 65 vjetorit te Clirimit, pervec kengeve dhe zjarreve partizane, gjeti vend edhe ne ekspoziten e artisteve te kinematografise ne vite.

Risia e Bashkise kete vit ishte libri dhe shkrimtaret me te njohur me prezantimet e titujve te preferuar, lexime, intervista dhe rrefimet personale mbi veprat e tyre ne Pavionin e Xhamit ne sheshin “Skenderbej”. Pjese e Nates se Bardhe duket se nuk kane qene vetem shqiptaret.

Ambasadori i Republikes Popullore te Kines sebashku me kryetarin Rama mbollen pemet e dhuruara nga ambasada kineze ne lulishten e Galerise se Arteve. Por qendra e argetimit per naten e bardhe 2009 ishte natyrisht Ura e Madhe ne bulevard ku grupet e muzikanteve dhe te balerineve latine ndezen atmosferen nen efektet e ndricimit dhe zhurmes se tambureve qe pushtuan te gjithe bulevardin.
 

Top Channel