Publicitet

Eurozona, Merkel propozon “kartonin e kuq”
17/03/2010 16:45

Kancelarja gjermane Angela Merkel ka deklaruar se dëshiron që eurozona të jetë në gjendje te përjashtojë një nga anëtarët e saj në të ardhmen, nëse do të jetë e nevojshme për të shmangur një krizë eventuale.

Duke folur në Bundestag, Merkel ka theksuar se rregullat aktuale të BE-së nuk janë të forta aq sa duhet për t’u përballur me një krizë si ajo e Greqisë.

Megjithatë, kancelarja ka nënvizuar se përjashtimi i një anëtari nga grupi i 16 vendeve që përbëjnë eurozonën duhet të jetë opsioni i fundit.

Gjermania, që shihet si forca që udhëheq sistemin e euros, ngurron në dhënien e ndihmës që i nevojitet Greqisë për të dalë nga vështirësitë ekonomike, të shkaktuara nga rritja e deficitit buxhetor.

Deficiti buxhetor i vendit helen, i cili është katër herë më i lartë se niveli i parashikuar nga rregullat e BE-së, ka shkaktuar frikën se mund të prekë edhe vende të tjera të eurozonës.

Vendos ne Facebook

P U B L I C I T E T

© Top Channel 2001-2010 / Ndalohet riprodhimi i paautorizuar i permbajtjes se kesaj faqeje.

Shqip - TAR - Digitalb -Top Gold - VGA Studio