Sekuestrohet droga nga Amerika Latine
22/11/2010 18:50
Artizani që nuk pushon kurrë! Josif Muça 82 vjeç, ende bën punime druri: Puna është jetë!
13/04 12:45
Autoritetet policore shqiptare kanë sekuestruar një sasi të vogël lënde narkotike të tipit kokainë, e cila ishte dërguar me postë nga Amerika Latine.
Lajmin e kanë bërë të ditur prokurorët e Krimeve të Rënda, sipas të cilëve sasia e kokainës, 1 kilogram, ishte dërguar nga Panamaja e fshehur në një pjesë motori.
Sipas burimeve, pas sinjalizimeve nga agjencitë ndërkombëtare të anti-drogës, hetuesit shqiptarë ndërhynë duke sekuestruar kokainën dhe duke arrestuar tre persona, që po e prisnin atë.
Sipas burimeve, droga dyshohet se kishte si destinacion tregun shqiptar, por nuk përjashtohet mundësia e dërgimit të saj në vendet perëndimore.
Vetëm pak ditë më parë, autoritetet shqiptare sekuestruan në portin e Durrësit një sasi prej 9 kilogramësh kokainë që vinte nga Amerika e Jugut.
Top Channel
