Burgaj: Informacione për sulm ndaj kryeministrit

Ai ka deklaruar se synohej të sulmohej kryeministri Sali Berisha edhe në apartamentin e tij, së bashku me selinë e Kuvendit dhe LSI-së.

“Nga mbledhja e informacioneve rezultoi se ishte si synim të sulmohej selia e Kuvendit… Ata do të sulmonin selinë e Kryeministrisë dhe pallatin ku banon kryeministri… gjithashtu do të sulmohej edhe selia e LSI-së”, është shprehur Burgaj.

Ai ka theksuar se deri në datën 20 nuk është marrë asnjë informacion nga Shërbimi Informativ Kombëtar, në lidhje me demonstratën.

“Kemi kërkuar informacion nga SHISH dhe kemi marrë përgjigje se ‘jemi të gatshëm për bashkëpunim dhe nëse do të kemi informacion do të bashkëpunojmë’, por deri në datën 20 nuk kemi marrë asnjë informacion”, deklaroi Burgaj.

Kreu i Policisë së Shtetit ka deklaruar se me rënien e errësirës u përhap informacioni se do të kishte sulme me armë zjarri.

“Më pas u përhap informacioni se me rënien e errësirës mund të sulmohej me armë zjarri. Për këtë u dha urdhër për shpërndarjen e turmës dhe ndalimin e tyre”, tha Burgaj.

Ai ka theksuar se në demonstratë kanë marrë pjesë rreth 350 persona me preçedentë penalë, të cilët, sipas Burgaj, janë identifikuar nga pamjet filmike.

“Në demonstratë kanë marrë pjesë rreth 350 të dënuar me parë që nga vrasja e deri në përdhunim”, theksoi Burgaj.

Top Channel