Liga e Europës, kualifikohet Flamurtari e Vllaznia
08/07/2011 00:30
Dhunoi të dashurën, kush është ish-sulmuesi i Partizanit që përfitoi nga amnistia 25/04 16:55
Flamurtari dhe Vllaznia janë kualifikuar për në raundin e dytë të Kupës Europa Ligë falë rezultatit të ndeshjeve të para.
Vlonjatët i mbyllën këto dy ndeshje me Buducnostin me rezultatin e përgjithshëm 4-3. Edhe pse janë mundur në ndeshjen e kthimit 1-2, ka qenë rezultati i ndeshjes së parë në Podgoricë ai që ka shtyrë skuadrën e Maganit në fazën tjetër.
Ka shënuar sërish Flamurtari i pari me Shehaj në pjesën e parë ndërkohë në të dytën kanë përmbysur malazezët gjithcka brenda 5 minutash.
Në minutën e 72 Boskovic triblon brenda zonës dhe barazpeshon shifrat ndërsa në minutën e 77-të është sërish ai që shndërron në gol një 11-metërsh. Megjithatë edhe pse janë mundur vlonjatët kalojnë për më tej ku i pret skuadra ceke e Jablonecit.
Ndeshja e parë mes Flamurtarit e Jablonecit zhvillohet sërish në Vlorë më 14 korrik ndërsa ajo e kthimit më 21 korrik.
Në të njëjtën ditë luan edhe Vllaznia me Tunin e Zvicrës pasi ka barazuar 1-1 me Birkirkarën në ndeshjen e luajtur në Loro Borici.
Vajushi ka zhbllokuar rezultatin në fillimin e takimit, ndërkohë që Silva barazon për skuadrën malteze, por falë fitores në transfertë 1-0 shkodranët kalojnë për në fazën tjetër.
Ndërkohë në këtë raund të dytë eliminator të Kupës Europa Ligë do të luajë edhe Tirana e cila do të zhvillojë ndeshjen e parë në kryeqytet me skuadrën sllovake të Spartak Tërnavës.
Ndërkohë që protagonist në këtë raund janë edhe dy lojtarët e përfaqësues Teli dhe Agolli të cilët i kanë dhënë kualifikimin me dy golat e tyre të parë me skuadrën e Karabkut, e cila mundi 3-0 në ndeshjen e dytë Bangën.
Top Channel
