Kryeministri norvegjez: Situatë serioze
22/07/2011 18:45
Tre spanjollë e tre vendas vriten nga sulmi në pikën e famshme arkeologjike në Afganistan (fotot)
18/05 17:56
Kryeministri norvegjez Jens Stoltenberg, i Partisë Laburiste, e ka cilësuar si “shumë serioze” situatën pas shpërthimit në Oslo.
Në një bisedë telefonike me televizionin norvegjez, ai tha se anëtarët e kabinetit qeveritar besohet se janë të sigurt.
Stoltenberg bëri gjithashtu të ditur se policia i ka sugjeruar atij që të mos zbulojë vendndodhjen e tij.
“Edhe kur dikush është i mirëpërgatitur, është gjithmonë dramatike kur dicka e tillë ndodh”, është shprehur kryeministri.
Ndërkohë, numri dy i policisë së Oslos ka bërë të ditur për BBC se operacionet e shpëtimit janë në vazhdim e sipër.
“Po marrim masa për t’u siguruar që në zonë të mos ketë më persona, në rast të një shpërthimi tjetër”, ka deklaruar Egil Verkke.
Ai ka saktësuar se në skenën e krimit ndodhen ekspertë të lëndëve shpërthyese, të cilët po kontrollojnë nëse ka mjete të tjera të tilla të vendosura në zonën ku ndodhi shpërthimi.
Top Channel
