Ndotet plazhi në Durrës
07/08/2011 17:30
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Niveli i ndotjes në ujërat e Adriatikut, nga Plepat deri te Shkëmbi i Kavajës, është rritur si rezultat i shkarkimit në të të kanalit të ujërave të larta që shtrihet nga Plepat te Ura e Dajlanit dhe që vazhdon deri në Shkozet.
I njohur si gangrenë për banorët e zonës nga niveli i lartë i mbeturinave, po dhe zjarreve si rezultat i hidrokarbureve që derdhen në të, ky kanal ka nisur të pastrohet nga firma që po kryen punimet për zgjerimin e unazës.
Ndonëse sezon turistik, firma i ka orientuar të gjitha shkarkimet e kanalit drejt një kanali tjetër që ndodhet pranë Shtëpisë së Pushimit të Ministrisë së Mbrojtjes ku është vendosur edhe impianti i parë provizor i filtrimit të ujërave që shkarkohen në det.
Pushues të shumtë jane alarmuar nga njollat e hidrokarbureve në det të cilat janë përhapur edhe nga rrymat detare.
Ndërkohë alarmi është dhënë dhe pranë Agjencisë Rajonale të Mjedisit në Durrës e cila ka ndërhyrë menjëhere duke pezulluar punimet e firmës deri në përfundim të sezonit turistik, ndërkohe ndotja në det mbetet e lartë dhe filtrat e vendosur nuk kanë mundur të sigurojnë një prani të baktereve në kufijtë e normës së lejuar.
Top Channel
