07:00 "Wake-Up"
09:00 Lajme e Moti
Programi i plote
PUBLICITET
Topi: Unë në bulevard, Berisha në bllok
29/09/2011

“Unë në bulevard, si qytetar, por Berisha në bllok si në shtëpinë e tij.” Ka qenë kjo përgjigja e parë, por shpërthyese e presidentit Bamir Topi, tetë muaj pas fyerjes publike që i bëri kryeministri Sali Berisha atij pas 21 janarit.

Në një intervistë shpërthyese dhe emocionale, por edhe elokuente politikisht, kreu i shtetit ka shpërthyer mbrëmë në emisionin 'Top Story' të Sokol Ballës në Top Channel, duke deklaruar gjithashtu kthimin e tij vitin tjetër në politikë me një formacion të djathtë.

Presidenti e cilesoi deklaraten, me mungese etike qytetare.“Humbje e kontrollit, mungesë totale e etikës qytetare. Kalimi në sulme kaq virulente, natyrisht që të bën që tjetrin ta mëshirosh, sepse kur del nga kontrolli
Deklaratat e Berishës ishin një humbje e kontrollit dhe mungesë totale e etikës qytetare. Duhet të mëshirosh kur ka një humbje kontrolli.

Bamir Topi
President i Republikës
të bën ta mëshirosh. Një intelektual, një qytetar, para se të jetë zotëri bulevardi është qytetar i dy familjeve shumë të vjetra të Tiranës. Në vitet e komunizmit, dhe për këtë janë dëshimtarë intelektualë dhe të rinj të Tiranës, që e kthyen bulevardin në institicuonin e disidencës qytetare, aty bëheshin biseda aty shihej diferenca me një qytet të ndaluar, sikurse ishte blloku dhe qytetarët e Tiranës. Unë personalisht gëzoj një memorje shumë të fortë. Kam parasysh që të rinjtë e Tiranës kalonin në monotoni të plotë orët e darkës, ndërsa pak zotërinj arrinin të futeshin me shumë krenari në qytetin e ndaluar”, tha Topi.

Presidenti Topi pohoi se ajo cka thuhej ne kabllogramen e Wikileaks se Berisha po organizonte sulm me gure ndaj presidences, ne kohen e Ligjit per Lustracionin, ishte e vertete dhe se keshtu i kishin ardhur informacionet nga sherbimet sekrete.

“Cdo gjë që është thënë në atë kontekst, patjetër që ka vërtetësi. Në rast se bëhen komente se si vijnë informacionet natyrisht që ato thuhen edhe mbi bazën e informacioneve që vijnë. Se sa bazë kanë patur ato informacione, nuk jam unë që mund t’i konfirmoj. Zëra vijnë, gjithnjë në biseda thuhet, ka të dhëna, ka informacione. Asnjëherë nuk do të thotë se këto informacione janë të sanksionuara mbi bazën e certifikimit të informacionit që vijnë nga shërbimet”, tha Topi.

Por pjesa me interesante e intervistes se tij shperthyese ne ‘Top Story’ ishte ajo kur me nje pergjigje te prere, ai ju pergjigj pyetjes se gazetarit Sokol Balla, nese vitin tjeter ai do te rikthehej ne politike.

“Janë tre elementë që kam thënë në intervistën e viteve më parë: Aktiv, i fortë dhe s’është cudi. Sa më afër jemi në përfundim të mandatit, kjo ‘s’është cudi’ merr një karakter afirmativ. Natyrisht që po”, theksoi Topi.

Topi sqaroi edhe cfare orientimi do kete angazhimi i tij i ri politik.“Nëse ka dicka që mund të them në mënyrë kategorike, prerazi dhe qartë është që unë i takoj të djathtës, qendrës së djathtë. Kjo nuk është thjesht për të qenë luajal me formimin tënd individual. Këtu janë disa gjëra që kondicionohen nga tradita familjare, nga shumë momente të rëndësishme historike, por edhe cështje të principialitetit dhe luajalitetit me veten në radhë të parë, por edhe me mjedisin”, theksoi Topi.

Por Topi la ende te hapur betejen per presidentin e ardhshem. Ai kembenguli se Shqiperise i duhet nje president nga populli.

“Zgjidhja më e mirë edhe në kushtet e Shqipërisë do të ishte president nga populli, drejtpërdrejt. Askush të mos ketë frikë, askush të mos bëjë llogari, zgjedhje nga populli është zgjedhje me demokratike”, tha Topi.

Vete Topi nuk perjashtoi jo vetem mundesine qe ne nje rast te tille te kandidonte vete, por la te kuptohej se ne rast se ne kuvend do te shkohej tek zgjedhja e presidentit me 71 vota, do te kishte levizje nga nje grup deputetesh nen influencen e tij qe do te vepronin is pakice bllokuese.

“Vërtetë kam marrëdhënie miqësore, por jo kondicionale përsa i përket votës së tyre në parlament. Do të jetë lojë e hapur”, tha Topi.

Ne vazhden e replikave te tij me kryeministrin ne ‘Top Story’, presidenti Topi fajesoi ndryshimet kushtetuese is shkaktare te situates politike ne vend, per te cilat tha ai, ka tashme se paku nje te penduar.

“Ky është fakti që sot mbas gati tre vite e gjysmë, kemi një të penduar dhe ky është zoti Rama. Natyrisht është një refleksion i tij është interesante të shohësh se si njerëzit pendohen. Dikush tjetër nuk është penduar”, tha Topi.



/ Top Channel





Sondazh

Presidenti Bamir Topi mbeshtet zgjedhjen e Presidentit te Republikes nga populli; mendoni se kjo eshte zgjidhja e duhur qe te marre fund pergjithmone polarizimi i skajshem i politikes ne Shqiperi?


Duke llogaritur rezultatet. Ju lutem prisni...


Më shumë nga politika
Rrëzohet dekreti i Nishanit për FA
Mazhorancës iu dëshen fare pak minuta për të rrëzuar dekretin e presidentit, i cili ktheu një ligj për Forcat e Armatosura, me argumentin se me heqjen e disa kompetencave të presidentit dhe me dhënien e tyre kryeministrit, ligji shkelte disa nene të Kushtetutës.
Tabaku: Strazburgu rrëzoi qeverinë
Gjykata Ndërkombëtare e të Drejtave të Njeriut nuk e ka pranuar kërkesën e qeverisë shqiptare për të shtyrë me një vit afatin e pagesës së shtetasve që kanë fituar gjyqin për çështjen e pronave.
Komisioni i reformës kalon projektligjin
Komisioni i reformës territoriale miratoi projektligjin e dalë nga qeveria një ditë më parë të ndarjes së vendit në 61 bashki, me 9 vota pro dhe 1 kundër të deputetit të PBDNj-së, që ka dalë nga listat e kandidatëve të PS-së, Andrea Marto.
PD: Rama kërkon të përgjojë çdo shqiptar
Partia Demokratike është me shpresë se Gjykata Kushtetuese nuk do të vonojë të marrë në shqyrtim dhe të pranojë kërkesën e saj për të pëzulluar zbatimin e vendimit të qeverisë, që detyron qytetarët të regjistrojnë pranë kompanive telefonike IMEI-n, numrin identifikues të celularit të tyre dhe më pas këto të dhëna të mblidhen në një server, të menaxhuar nga Ministria e Financave.
“Shkëputëm krimin nga policia”
Ministri i Brendshëm, Saimir Tahiri e nisi prezantimin e punës së dikasterit që drejton për këto 300 ditë me tre raste të filmuara nga kamerat e vendosura në makinat e patrullave.


Lajmet kryesore

Topi: Unë në bulevard, Berisha në bllok
4 burgime përjetë për Dritan Dajtin
Merr fund odisea gjyqësore në Krimet e Rënda për vrasësin e 4 policëve
Rrëzohet dekreti i Nishanit për FA
Shoqata e Komunave kundër reformës
Gjykata Kushtetuese pezullon Mustafën
Edhe Athina ankohet për ndarjen e re
Ligji i ri për Policinë e Shtetit
Më të lexuarat
Temat e ditës
Lindja e Mesme, Reforma territoriale, Tragjedia ajrore, Ukraina, Turizmi, Drejtësia, Vrasje
Top Channel 2001-2014
Ndalohet riprodhimi i paautorizuar i permbajtjes se kesaj faqeje.