Rishfaqet Gaddafi: Libianë, çohuni me miliona
06/10/2011 19:20
Përfundon seanca në Gjykatën e Lartë lidhur me pretendimet e ish Presidentit Trump për imunitet absolut 25/04 21:57
Lideri i rrëzuar i Libisë, koloneli Muammar Gaddafi, lëshoi pasditen e sotme një thirrje ndaj të gjithë libianëve, për të dalë me miliona në rrugë për t’i rezistuar marrjes së vendit nga qeveria e përkohshme.
Në një mesazh audio të transmetuar në një televizion sirian, diktatori theksoi se kushtet e jetesës në Libinë e sotme janë bërë të padurueshme.
Koloneli, gjithashtu vendosi në dyshim legjitimitetin e qeverisë së re të vendosur në vend, duke theksuar se ndërsa ai kishte ardhur në pushtet me forcën e votës, ajo ka ardhur me atë të armëve.
Mesazhi mbërriti ndërsa luftime të ashpra janë duke u regjistruar midis trupave të tij besnike dhe ushtrisë së qeverisë së përkohshme, në qytetin e tij të lindjes, Sirte.
Vendndodhja aktuale e Gaddafi-t është e panjohur, por transmetimi i mesazhit në një televizion sirian ka krijuar menjëherë spekulimi për strehimin e tij në vendin arab, gjithashtu i rrezikuar nga një ndërhyrje perëndimore.
Top Channel
