Liga Arabe, ultimatum Asadit 

Liga Arabe dhe Turqia apeluan për masa urgjente në mbrojtje të civilëve sirianë. Pas takimit në Marok u shprehën  kundër cdo ndërhyrje të huaj në Siri.  

Deklarata e tyre, erdhi pak orë pas sulmit të një bazë ushtarake në afërsi të Damaskut, të ndërmarre nga ushtarët dezertorë.

“Është e nevojshme të ndalohet gjakderdhja dhe të shpëtohen qytetarët sirianë nga aktet e reja të dhunës apo vrasjet”, shkruhet në deklarate. Si dhe kërkon marrjen e masave urgjente për të garantuar mbrojtjen e civileve”.

Megjithëse Turqia nuk është anëtare e Ligës Arabe, ministri i Jashtëm turk, Ahmet Davutollu mori pjesë në takimin që u zhvillua në Rabat, kryeqytetin e Marokut.

Turqia, një vend fqinj me Sirinë, ka shtuar kritikat kundër shtypjes së dhunshme të protestave.  Kreu i diplomacisë turke tha se nëse Siria do të  vazhdojë këtë rrugë, atëherë do të përballet me izolim.

Një tjetër shenjë që dëshmon pikërisht këtë është vendimi i Francës për të tërhequr ambasadorin e saj nga Siria.

Megjithëse bisedimet u zhvilluan në Rabat, përkrahës të presidentit Bashar Al Asad sulmuan ambasadën e Marokut në Damask, dhe grisën flamurin. Televizioni Al Arabia, raportoi për sulme edhe në ambasadat e Katarit dhe Emirateve të Bashkuara Arabe.

Më herët, aktivistët rrëfyen se dezertorë të ushtrisë siriane vunë në shënjestër një bazë në afërsi të Damaskut. Ndërtesa e Shërbimeve Sekrete të Forcave Ajrore, në Harasta është dëmtuar dhe flitet për gjashtë ushtarë të vrarë.

Këshilli Kombëtar i Sirisë, koalicioni i grupeve opozitare me bazë në Turqi, shpjegoi se sulmi u krye nga  “Ushtria e Lirë Siriane”.  Kjo ngjarje merr jo pak rëndësi sepse Shërbimi Sekret i Forcave Ajrore është një nga agjensitë shtetërore që ngjall frikë dhe është përfshirë në shtypjen e protestave anti-qeveritare.

Top Channel