Monitorimi: Qeverisja jo transparente
10/12/2011 00:00
Ministri Gonxhe u bën thirrje të rinjve të aplikojnë për punë në shtet: Janë 126 vende të lira, por kanë frikë të firmosin nga hetimet 23/04 22:38
Lëvizja Mjaft publikoi raportin e tretë për monitorimin publik të ministrive, ku një nga konstatimet kryesore është ajo se institucionet qeverisëse nuk janë transparente.
“Nga 85 kërkesa zyrtare të cuara nga individë e organizata, përgjigjia është 11 për qind, më e vogël se në vitin 2009”, ka deklaruar aktivisti i lëvizjes Mjaft.
Sipas lëvizjes Mjaft, shumë nga ministritë kanë dështuar në përmbushjen e objektivave të tyre, që kanë të bëjnë me ndërmarrjen e nismave ligjore, por edhe përdorimin e fondeve të buxhetit.
Ndryshe nga vitet e tjera, këtë herë në fokusin e raportit ka qenë dhe monitorimi dhe analiza e buxhetit të shtetit.
“Nuk ka një analizë konkrete të kostove dhe përfitimeve nga partitë politike. Shteti i rrit shpenzimet në fundvit ose në vite elektorale, me qëllim që të fitojë zgjedhjet”, ka shtuar aktivisti.
Sipas Mjaft, nga 9 prioritete buxhetore të deklaruara, qeveria ka realizuar vetëm dy prej tyre, atë të rritjes së ndihmës ekonomike dhe uljes së deficitit në 3 për qind.
Ndërsa premtimet e tjera për hapjen e 80 mijë vendeve të punës, uljen e numrit të të varfërve me 400 mijë, apo rritja e pensioneve në masën 10-15 për qind në vit, sipas Mjaft nuk janë realizuar.
Top Channel
