03:35 Film "Senatori"
05:35 "Pasdite ne TCH" R
Programi i plote
PUBLICITET
Papunësia, Rama: Berisha gënjen
07/02/2012

Nga mbledhja e grupit parlamentar të Partisë Socialiste, kreu i opozitës Edi Rama ka akuzuar kryeministrin Sali Berisha se është duke gënjyer shqiptarët me shifrat që jep për punësimin.

Rama ka përdorur shifrat e Bankës së Shqipërisë për të ilustruar papunënisë një shqetësim i kahershmëm, ngritur shpeshherë nga opozita.

"Të dhënat e bankës përfshijnë 10 vjet, nga viti 2000 në vitin 2010. Është e datës 3 shkurt, pra e vetëm pak ditëve më parë. Rritja e forcave të punës dhe rënia e numrit të të punësuarve në 10 vjet është dramatike. Kryeministri nuk rresht së akuzuari opozitën si gënjeshtare, sepse prej vitit të shkuar ne themi se në Shqipëri ka 1 milionë të papunë. Le ta shohin të gjithë shqiptarët tabelën e të dhënave nga Banka e Shqipërisë ku del qartë si drita e diellit se kush gënjen. Gënjen opozita që thotë se të papunët në Shqipëri kanë arritur në 1 milionë, apo gënjen kryeministri që flet për rritje të punësimit dhe për opozitën, që sipas tij gënjyeka 1 milionë herë", tha Rama.

Duke e cilësuar qeverinë të paaftë dhe korruptuar deri në thonj dhe si pasojë të paaftë për të ndryshuar situatën e papunësisë në Shqipëri, zoti Rama është ndalur edhe në situatën kriminale në vend pas disa vrasjeve dhe grabitje të njëpasnjëshme në disa qytete të vendit.

"Sot jetojmë në një vend që tronditet përditë nga vrasjet, eksplozivët dhe nga grabitjet me armë në dorë. Vrasin bandat kriminale, por vrasin edhe të rinjtë e dëshpëruar në rrugën e grabitjeve për t'i mbijetuar varfërisë dhe papunësisë. Vret vet shteti me armë zjarri dhe kryeministri i quan vrasësit heronj, duke goditur haptas ata që e luftojnë krimin me në krye Prokuroren e Përgjithshme të Republikës.Në krye të policisë qëndrojnë xhagajdurë me imunitet kryeministror që shpërdorojnë detyrën për përfitime krejt personale. Jeta është e pambrojtur, prona është e pambrojtur, biznesi është i pambrojtur. Më keq akoma, e ardhmja është e pambrojtur", tha Rama.

Sipas Ramës, Partia Socialiste ka një platformë të detajuar që me ardhjen në pushtet do t`i shpallë luftë krimit ndërsa ka shtuar se ditën e premte PS në tryezën për rendin do të paraqesë shifra alarmante të papublikuara më parë për krimin në Shqipëri.

Popullsia në moshë pune              Të punësuar           Diferenca
2000     1,939,000                          1,068,000              871,000
2001     1,773,000                             919,810              853,190
2002     1,767,000                             920,140              846,860
2003     1,826,000                             926,000              900,000
2004     1,850,000                             931,200              918,800
2005     2,003,000                             932,100            1,070,900
2006     1,917,000                             935,000              982,000
2007     2,101,000                             939,000            1,162,000
2008     2,126,000                             974,000            1,152,000
2009     2,146,000                             899,000            1,247,000
2010     2,166,000                             917,000            1,249,000

Tabela qe Rama i referohet, eshte e BSH-se me date 3 shkurt





/ Top Channel









Më shumë nga politika
Nishani dekreton Ermonela Felajn
Presidenti Bujar Nishani dekretoi Ermonela Felajn në postin e Ministres së Shtetit për Marrëdhënie me Parlamentin.
Anulohen lejet e paligjshme
Agjencia Kombëtare e Planifikimt të Territorit do të anulojë lejet e ndërtimit të dhëna nga kryetarë komunash dhe bashkish në kundërshtim me ligjin.
Konferenca e Berlinit për Ballkanin
Konferenca e Ballkanit për zv.presidenten e Institutit të Politikave Europiane në Berlin, Katrin Bottger, e kthen rajonin në axhendën e politikës gjermane.
Projektet në tryezën e Angela Merkelit
Infrastruktura, energjia dhe turizmi janë tre shtyllat që përmban dokumenti që do t’i çohet në tryezë kancelares gjermane Angela Merkel në Konferencen me vendet e Ballkanit.
Pezullimi i lejeve të ndërtimit
Kreu i ALUIZNI-t Artan Lame tha se vendimi i qeverisë për pezullimin e lejeve të ndërtimit deri në vitin 2015 synon t’i japë fund asaj që e quajti “dalldi të fund mandatit” të qeverisjes vendore, ndërsa i bëri apel opozitës të mos e përdorë çështjen poltikisht.


Lajmet kryesore

Papunësia, Rama: Berisha gënjen
Rregullore e re kundër vjedhjeve
Fullani: Po bashkëpunojmë me institucionet e drejtësisë
Konferenca e Berlinit për Ballkanin
Pogradec, dy të rinj dyshohen të mbytur
Anulohen lejet e paligjshme
Helikopteri ngel në Dukagjin
Vrasja e Santos, shkarkohet polici
Më të lexuarat
Temat e ditës
Ukraina, Vjedhja e Bankës, Lindja e Mesme, Aksidente rrugore, Aksioni anti-droge, Kriza greke, Vrasja e bankierit
Top Channel 2001-2014
Ndalohet riprodhimi i paautorizuar i permbajtjes se kesaj faqeje.