02:15 Serial "Kujdesu per mua" R
03:00 Lajme e Moti
Programi i plote
PUBLICITET
Kriza greke, Shqip: Sa ndikon te Shqiptarët
27/02/2012 22:50

Kriza greke, Shqip: Sa ndikon te Shqiptarët
Prej dy vitesh ekonomia greke ndodhet në kolaps për shkak të krizës së rëndë financiare që ka përfshirë vendin. Falimenton, nuk falimenton kanë qenë termat që kanë qarkulluar më së shumti në mediat, qarqet ekonomike dhe politike jo vetëm europiane, por mbarëbotërore.

Shumë sektorë të ekonomisë helene janë të mbyllur duke hedhur në rrugë mijëra të punësuar, mes tyre shumë shqiptarë, duke qenë se Greqia është vendi ku janë orientuar më së shumti shqiptarët në emigrim.

Por sa do të zgjasë kjo krizë? Sa ka ndikuar tek shqiptarët, jo vetëm tek ata që jetojnë e punojnë në Greqi, por edhe tek ata brenda kufirit të shtetit tonë? Dhe mbi të gjitha kur do të përfundojë ky makth financiar?
Kriza greke

Këtyre pyetjeve, dhe shumë të tjera, u mundua t’u japë përgjigje emisioni Shqip mbrëmjen e së hënës në Top Channel.

Në panel ishin të ftuar ekonomiste Gjergji Filipi, publicist Pirro Misha dhe deputeti Partisë Demokratike, Kosta Barka. Publicisti Piro Misha foli për një indiferentizëm të gabuar në Shqipëri për këtë krizë, duke vlerësuar se kriza që ka përfshirë shtetin më të fuqishëm në rajon domosdo ndikon edhe në vendet rreth saj, përfshirë këtu Shqipërinë. Pikërisht për këtë tha ai, duhet një reflektim shoqëror, mediatik dhe mbi të gjitha institucional për të ndërmarrë hapat e nevojshme në mënyrë që të shmanget një krizë e llojit të Greqisë në Shqipëri.

“Kemi 1 mijë fije që na lidhin me Greqinë, ekonomike, shoqërore dhe politike, ndaj duhet të nxjerrim mësime nga ajo. Të përgatitemi për ta shmangur atë, nëse mbërrin në të ardhmen”, tha publicisti Pirro Misha.

Deputeti i PD-s, Kosta Barka vlerësoi se kriza greke po shqetëson Bashkimin Europian. Edhe ai u ndal tek indiferentizmi shqiptar lidhur me këtë krizë duke shtuar se vendi ynë ka lidhjet më të mëdha ekonomike me Greqinë dhe Italinë dhe domosdo kriza në këto dy vende prek edhe Shqipërinë.

“ Ne jemi të lidhur si me Italinë dhe Greqinë ku kemi shifra të mëdha. S’mund të jemi indiferentë për krizën greke kur Greqia është vendi i dytë për shkëmbimet ekonomike me Shqipërinë. Ne si ballkanas duhet ta shikojmë me shqetësimin maksimal këtë krizë. Kriza ka një ndikim, është një krizë që ndikon qartësisht, remitancat kanë rënë. Besoj që qeveria jonë ka një reflektimin e duhur për këtë krizë. Emigrantët janë pjesa më e prekshme në një vend që zhytet në krizë. Nuk jemi gati të presim kthime emigrantësh në nivelin që mund të sjellë kriza. Qeveria është e përgatitur me lehtësirat fiskale që po ofron për të pritur dhe hapjen e vendeve të punës, por jo në nivele të larta. Ne duam një Greqi të stabilizuar ekonomiksht dhe paralelisht punojmë në vendin tonë për të krijuar një ambjent rikthimi dhe punësimesh. Ne na intereson që Italia dhe Greqia të jenë vende të zhvilluara dhe të stabilizuar ekonomikisht”, tha zoti Barka.

Ndërsa Gjergji Filipi nga instituti i studimeve ekonomike, Agenda deklaroi se vendi ynë nuk ka mundësi të presë emigrantët në rast kthimi duke deklaruar se fluksi do të mbyste tregun e punës.

“Në Shqipëri numërojmë 400 mijë të puënsuar me sigurime, të tjerët janë të vetëpunësuar në bujqësi. Nëse kthehen 700-800 mijë emigrantë do të mbytet tregu i punës. Emigrantët kanë patur kontribut thelbësor në ekonominë vendase. Remitancat kanë balancuar humbjet import-eksport. Porn ë rast rikthimi të tyre duhet të kemi plane kontigjence. Emigrantët janë qytetarë shqiptarë nëse duhet të vijnë duhet të gjejnë një trajtim mbrojtës dhe duhen riakomoduar në tregun shqiptar të punës. Kriza greke na prek 1/3 e eksporteve janë kryesisht material-porositësit, që njihen si fasonë. Rreth 80 përqind  e këtyre prodhime shkojnë në Greqi dhe Itali. Ky sektor punëson rreth 100 mijë punonjës por është shumë I hapur ndaj krizës greke dhe italiane. Nga dhoma e fasonistëve vijnë të dhëna që janë goditur nga kriza greke dhe italiane.

Megjithatë, publicisti Pirro Misha deklaroi se kriza në Shqipëri nuk ka shkaktuar ende ndonjë problem shqetësues. Ajo për të cilën duhet të shqetësohemi tha ai, është e ardhmja e krizës greke. Ajo që duhet t’i trembemi më shumë, tha ai është marrja e pushtetit nga ekstremistët grekë. Sipas tij 3 forcat ekstremiste greke nga sondazhet e fundit dalin me 45 përqind të preferencave të grekëve duke lënë pas dy partitë e mëdha me vetëm 37 përqind.   

Por deputeti PD-së, Kosta Barka hodhi posht të gjithë pretendimin e Pirro Mishës duke shtuar se në prill s’ka asnjë mundësi për ardhjen e ekstremistëve në pushtet.

Në një lidhje direkte nga Athina, Shqip mundësoi një intervistë me ambasadorin shqiptar në Greqi, Dashnor Dervishi. Zoti Dervishi tha se kriza greke nuk ka prekur drejtpërdrejtë emigrantët shqiptarë ndërsa shtoi se për cështjen e rikthimit të tyre në atdhe për shkak të një fshese greke, është më shumë mediatike se sa reale.

“Grekët e ndjejnë peshën e krizës, por shqiptarët nuk preken direkt nga këto shkurtime sepse nuk janë të përfshirë në sektorin shtetëror. Ndërsa sa i përket cështja e kthimit është më shumë mediatike se sa reale”, tha ambasadori Arvizu. / Top Channel







Më shumë nga socialja
Kontrollet në universitetet private
Ministria e Arsimit ka bërë publike shkeljet e konstatuara në Shkollën e Lartë Ndërkombëtare. Nga 37 kritere që duhet të përmbushë një institucion jopublik i arsimit të lartë, kjo shkollë ka shkelur 16 prej tyre duke zhviluar programe arsimore të paliçencuara.
Protestë për banesa sociale
Pas miratimit të listës së familjeve të pastreha të cilat përfitojnë nga skema e apartamenteve me kosto të ulët nga Bashkia e Korçës, ka erdhur edhe reagimi i familjeve të cilat pavarësisht se kanë aplikuar nuk kanë mundur të jenë përfituese.
Paralajmërimet e fundit për duhanin
Të gjitha subjektet private por dhe institucionet publike duhe të përgatiten për të mos lejuar askënd të konsumojë duhan në ambientet e tyre të mbyllura, pasi më 23 gusht hyn në fuqi ligji i ri anti-duhan, i cili me ndryshimet e bëra parashikon për herë të parë ndëshkim me gjobë edhe për duhanpirësin.
Korçë, protestë për banesat sociale
Një grup të pastrehësh në qytetin e Korçës protestuan para bashkisë së qytetit ndërsa po mbahej mbledhja për ndarjen e banesave sociale.
Heroi i heshtur Pandi Toçe
Pandi Toçe u largua nga kjo jetë shumë ndryshe nga njerëzit e zakonshëm. Ai nuk u mbyt në liqen nga depresion, nuk u dorëzua përpara sfidave të shumta që jeta i solli, por zgjodhi të ikte nga kjo jetë si një hero i heshtur.


Lajmet kryesore

Kriza greke, Shqip: Sa ndikon te Shqiptarët “Shqipëria, rol kyç në Samitin e Berlinit”
30 vjetori i vizitës së Strauss-it, Singhammer: Jeni faktor i stabilitetit në rajon
PD takon delegacionin gjerman
Ndarja e re nuk do të dekretohet?
Kontrollet në universitetet private
Samiti ballkanik i Gjermanisë
Opozita, brenda dhe jashtë Kuvendit
Më të lexuarat
Temat e ditës
Turizmi, Arsimi, Lindja e Mesme, Ukraina, Reforma territoriale
Top Channel 2001-2014
Ndalohet riprodhimi i paautorizuar i permbajtjes se kesaj faqeje.