17:40 TN "Guximi i nje gruaje"
18:35 Film "Smash" R
Programi i plote
PUBLICITET
7 Marsi, urime dhe lule nga nxënësit
07/03/2012

Gëzuar 7 Marsin! Ky ka qenë urimi i dhjetëra vogëlushëve ndaj mesuesve të tyre të pare në këtë ditë krejt të veçantë për to.

"Urojmë mësueset tona, gëzuar 7 Marsin! Faleminderit që na mësoni kaq mirë", thonë fëmijët në urimet e tyre.

Tufat me lule dhe perqafime te ngrohta mes nxenesve dhe mesuesve kane qene disa nga momentet me te bukura ne kete dite.

"Kjo ditë është një mrekulli, sepse pas gjithë punës së lodhshme që bën me nxënësit arrin një ditë, që ndjen një kënaqësi shumë të madhe kur ndjen se fëmijët të janë mirënjohës. Eshtë shumë bukur kur fëmijët festojnë me ty, për ty", thotë mësuesja Mimoza Kristiqi.

Edhe drejtoresha e shkollës "Jeronim de Rada", Dhurata Bakalli shprehet e lumtur për urimet e sinqerta që ka marrë nga fëmijët.

Ne shume shkolla jane organizuar koncerte dhe festa të ndryshme, ku në qendër ka qene figura e Mësuesit.

Berisha: Mësonjëtorja, tempulli i dritës së dijes

7 Marsi festohet si dita e Mësuesit, sepse në këtë datë të vitit 1887 u hap në Korçë shkolla e parë shqipe laike. Një fakt historik ky, që në 125-vjetorin e Mësonjëtores së parë ka çuar kryeministrin Sali Berisha në Korçë për të nderuar atje mësuesit shqiptarë. Në vleresimin e kryeministrit Mësonjtorja është tempulli, ku u ndez per te mos u shuar më kurrë drita e dijes për shqiptarët.

"Mësonjëtorja u shndërrua në një burim të madh drite që shqiptarëve, të cilët shekuj jetuan në një perandori lindore, u ndriçoi rrugën drejt djepit ku ata kishin lindur, djepit perëndimor të tyre. Mësonjëtorja u mësoi shqiptarëve të besimeve të ndryshme se besimi i tyre i përbashkët është shqiptarësia dhe u shndërrua kështu në plazmën e unitetit kombëtar të shqiptarëve, pavarësisht nga besimet e fetë e tyre. Asgjë nuk përcakton vitalitetin e një individi, asgjë nuk përcakton vitalitetin e një kombi, më shumë se dija e tij", tha Berisha.

Kryeministri Berisha vizitoi edhe shkollen profesionale te Korçës, me disa dege te rendesishme si Hoteleri-Turizem, Degen e Tekstileve, te Biznesit dhe Ekonomise. Duke inkurajuar prinderit t’i arsimojne femijet e tyre ne shkollat profesinale, kryeministri Berisha theksoi rendesine e arsimit profesional, qe sipas kryeministrt pershtat me mire sistemin arsimor me kerkesat e tregut dhe rrit shanset e punesimit per te rinjte.



Rama: T'i kthejme dinjitetin mësuesve

Nga Korca ku ndodhej për të kremtuar Ditën e Mësuesit, kreu opozitës Edi Rama, teksa ka vizituar shkollën e parë shqipe është shprehur se duhet një rilindje për arsimin, duke i kthyer dinjitetin mësuesve.

"Në muret kësaj shkolle kupton qartë, çdokush, - tha Rama,- pse Naim Frashëri i thuri Korçës vargje”. Duke iu referuar kapitullit të programit për arsimin, Rama deklaroi se:  “Programi i PS-së rilind arsimin. Me ne brezi i ri do të jetë brezi i qytetarëve të BE-së”.

"Në këtë 7 mars do doja t’i uroja gëzuar të gjithë mësuesve në pension dhe mësuesve të rinj. Do doja të rinënvizoja domosdoshmerinë që “Një Rilindje Shqiptare” të kthejë sytë, zemrën dhe mendjen nga arsimi dhe edukimi për t’u kthyer mësuesve te gjithë dinjitetin e humbur të autoritetit të tyre, për të bërë të mundur që të bëhen pika e referimit për çdo nxënës e për çdo student. Sepse është e pamundur që në Shqipërinë e shekullit të 21-të, mësuesit të jenë në këtë gjendje e për më tepër të ndodhë, siç ndodh sot ku së fundmi qeveria i detyron për të paguar për të shkuar e për të dhënë mësim në fshat", tha Rama.

I shoqëruar nga kryebashkiaku Korçës, Niko Peleshi, kryesocialisti Rama është takuar edhe me arsimtarët e të këtij qyteti, duke shprehur mirënjohjen për figurën e mësuesit dhe është angazhuar se në programin e ri "Për një Rilindje Shqiptare", fenomenet e sotme që përjetojnë mësuesit nuk do të ndodhin më.


Topalli: Përjetësisht borxhlinj mësuesve

Në Kuvendin e Shqipërisë, Festa për Mësuesin u nda në dy pjese, ku ajo me e hareshmja dhe me shumë ngjyra ishte ekspozita me piktura e nxenësve të shkollave të Tiranës, kushtuar mësuesve dhe prindërve të tyre.Ngjyrat e ndezura te optimizmit, shpresës dhe besimit ishin treguesi më i mirë sesi femijet i shohin mësuesit e tyre.

Pjesa e dyte e festes ishte nje takim qe kryetarja e kuvendit Jozefina Topalli zhvilloi me mesueset gra te Tiranes per te nderuar çdo gruar qe ka ushtruar ne cdo kohe kete profesion, nga I cili ajo vete u shkeput kur hyri ne politike.

"Janë bërë disa ligje të mira, jane bere edhe amendime te ligjeve me qellimin e madh per te rritur dinjitetin e mesuesit dhe të mësuesit. Unë jam e bindur se sado qe te bejme nuk do e arrijme ta shperblejme dot kurre misionin tuaj", tha Topalli.

Duke konsideruar dijen, një aventurë që nuk mbaron kurrë për njeriun, kryetarja e Kuvendit, i cilësoi mësuesit si misionarë, unikë në aftësinë e tyre për të nxitur dhe për të mbajtur të ndezur tek nxënësit dhe studentët pasionin e dijes.


Basha viziton mësuesen e klasës së parë

Me rastin e festës se 7 Marsit, kryetari i Bashkisë Lulzim Basha ka vizituar mesuesen e tij të klasës së parë zonjën Sonja Jeqemi dhe mësuesen e tij kujdestare, zonjen Merita Xoxa.

"Eshte e pamundur, - eshte shprehur Basha, - qe te mund të shpreh të plote mirënjohjen, pasi mesuesve u kemi një borxh që nuk mund të shlyhet kurrë".

Me pas Basha ka vizituar nxenesit dhe mesuesit e "Shkolles se Kuqe", ku i ka uruar arsimtarët për festën e tyre. / Top Channel









Më shumë nga socialja
Forcimi i arsimit profesional
Nëse brenda datës 15 shtator në të 42 shkollat e mesme të arsimit profesional regjistrimet në klasa do të jenë shumë të ulëta, ato do të mbyllen.
Përfundon protesta e ndërtuesve të HEC-it
Pas 7 ditë protestash, kompania turke “Limak Age” e cila po ndërton HEC-in e Banjës ka pranuar të nënshkruajë një marrëveshje me konfederatën e sindikatave duke pranuar të gjitha kushtet e vendosura nga kjo e fundit.
Hapja e shkollave profesionale
Dhjetëra të rinj apo të reja të cilët kanë mbaruar nëntëvjeçaren me nota mesatare kanë mundësi të jenë pjesë e shkollës së re profesionale të informatikës teknologjike “Herman Gmeiner”.
Greva e ndërtuesve të HEC-it
Grevistët e hidrocentralit të Banjës janë përleshur me rojet e sigurisë së kantierit, në ditën e shtatë të grevës së tyre. Grevistët tentuan të bllokonin makineritë e kompanisë turke “Limak”, por u ndalën nga punonjësit e sigurisë.
Anti-duhani nisi mirë
Zbatimi i ligjit antiduhan duket se ka nisur mirë. Edhe pse hyri në fuqi në fundjavë, pronarët e lokaleve janë ndërgjegjësuar dhe nuk kanë lejuar, që brenda ambienteve të mbyllura të lejojnë duhanpirjen, duke mos pritur gjobën e parë e pas saj të respektonin ligjin.


Lajmet kryesore

7 Marsi, urime dhe lule nga nxënësit
Rama: Mundësi të mëdha për rajonin
“Pas luftërave janë bisedimet që do të na çojnë drejt integrimit”
Rrëzohen të gjitha dekretet e Presidentit
Operacioni anti-kanabis “Dukagjini”
Hetimet për atentatin me eksploziv
“Na qëlloi një burrë me uniformë serbe”
Fier, atentat ndaj 49-vjeçarit
Më të lexuarat
Temat e ditës
Ukraina, Vjedhja e Bankës, Aksioni anti-droge, Vrasja e bankierit, Vrasje, Lindja e Mesme, Siria, Arsimi
Top Channel 2001-2014
Ndalohet riprodhimi i paautorizuar i permbajtjes se kesaj faqeje.