14:00 TN "Guximi i nje gruaje"
15:00 Lajme e Moti
Programi i plote
PUBLICITET
Grabitje në bankë, vritet arkëtarja, plagoset roja
27/03/2012

Një arkëtare mbeti e vrarë dhe roja u plagos rëndë gjatë një tentative për grabitjen e një filiali banke në zonën e Xhamllikut në Tiranë.

Ngjarja e rëndë ka ndodhur rreth orës 14 e 50 minuta. Dy persona të armatosur dhe maska hynë fillimisht në bankë pasi ndeshën edhe rezistencën e rojës së sigurisë të cilin e neutralizuan duke e qëlluar pa paralajmërim.

Grabitësit, pasi kanë parë rojen e gjakosur kanë humbur gjakftohtësinë, kanë kërcënuar arkëtaren Eleonora Kaloçi që t’u jepte paratë.

Lëvizjet e arkëtares u janë dukur si një sinjal që e lidh bankën me shërbimin policor dhe duke qenë se janë trembur e kane qëlluar dy herë në trup, pa bërë asnjë tentativë për të grabitur të hollat.

Në këto kushte të dy janë larguar nga banka me vrap. Duke qenë se zona është e mbipopulluar dhe është shokuar e gjitha nga krismat ata kanë patur mundësinë të largohen nga prapa bankës dhe për t’i shpëtuar mbulimit të policisë, e cila ka mbërritur në vendin e ngjarjes pak pasi kishte ndodhur tentativa e grabitjes.

Të dy të plagosurit janë transportuar menjëherë në spitalin Nënë Tereza që ndodhet në afërsi të filialit të bankes, por 42 vjeçarja, nënë e dy fëmijëve nuk ka mundur dot t’i mbijetojë plagevë të renda të marra në trup.

Ndërkohë që në gjendje të rëndë për jeten ndodhet edhe roja e sigurise Skënder Elmazi. Policia ka shoqëruar të gjithë stafin e bankës për ta marrë në pyetje, por asnjë prej tyre nuk ka mundur dot ta shquajë fytyrën e vrasësit.

Të dhënat për gjatësinë dhe trupin e dy grabitësve i ka dhënë mundësine policisë të ndërtojë një identikit të paplotë të dy grabitësve.

Edhe kamerat e bankës i kanë xhiruar lëvizjet e tyre, por asnjë rezultat për ndonjë identifikim të plote. Ndërkohë që nga vendi i ngjarjes janë shoqëruar edhe të gjithë dëshmitarët, të cilët konsiderohen edhe ata dëshmitarë pamorë për shkak se kanë pikasur të dy grabitesit kur janë larguar nga banka me vrap.
 
Ngjarja e rëndë në një zonë të mbipopulluar si ajo e Xhamllikut dhe në mes të dites, ndodhi vetëm pak orë pasi Ministri i Brendshëm, Bujar Nishani, i thirrur për gjendjen e rëndë kriminale në vend në Komisionin Parlamentar të sigurisë dha deklarata të një kontrolli total të policisë ndaj krimit në vend.

Nishani referoi për rritje të efiçencës së zbulueshmërisë dhe të goditjes më së shumti gjatë vitit 2012 mbi krimin e vjedhjeve dhe grabitjeve me dhunë.

Edhe pse statistika tregon se çdo 10 ditësh i këtij viti është shoqëruar me grabitjen e një subjekti bankar, ku për fat të keq u regjistrua edhe një viktimë.


/ Top Channel







Më shumë nga kronika
Në kërkim të parave të vjedhura
Prokuroria dyshon se një pjesë e parave, që u vodhën në Thesarin e Bankës së Shqipërisë, mund të jenë transferuar jashtë shtetit.
Korçë, tentohet të grabitet një argjendari
Një tentativë grabitje është regjistruar këtë të diel në qendër të qytetit të Korçës, ku dy persona të maskuar dhe me armë kanë tentuar të grabisin një argjendari.
Fier, parandalohet krimi në familje
Mesditën e së dielës, policia e qarkut të Fierit ka mundur të parandalojë një krim të rëndë brenda familjes, duke arrestuar autorin e ngjarjes dhe duke sekuestruar mjetin, me të cilën do të kryhej ajo.
Hajduti i Bankës, bixhozçi profesionist
Në rrugën “Fortuzi”, ku edhe ka banesën ekonomisti i Bankës së Shqipërisë Ardian Bitraj, banorët e zonës e njohin atë jo vetëm si frekuentues të lojërave të fatit, por edhe të pikave të basteve ku ai në këtë zonë raportohet se ka lënë shuma të konsiderueshme parash.
Vjedhja e bankës së shtetit
Ekspertët thonë se skandali i vjedhjes së parave cënon rëndë imazhin e Bankës Qendrore dhe hedh dyshime për mënyrën se si menaxhohet institucioni, që qeveris sistemin financiar të vendit.


Lajmet kryesore

Grabitje në bankë, vritet arkëtarja, plagoset roja
Gjiknuri: Presion për çmimin e energjisë

Braçe: Përgjegjësi penale kujt shkaktoi dëmin në CEZ, Albpetrol…
Shkolla fiktive shpërndanin diploma
Siguria kalon pr.ligjin për Policinë
Krijohet Inspektoriati Shëndetësor
PD mban tryezën e ekonomisë
Shkodër, atentat me armë zjarri
Më të lexuarat
Temat e ditës
Lindja e Mesme, Ukraina, Reforma territoriale, Tragjedia ajrore, Turizmi, Energjia, Siria, Vjedhja e Bankës, Arsimi
Top Channel 2001-2014
Ndalohet riprodhimi i paautorizuar i permbajtjes se kesaj faqeje.