07:00 "Wake-Up"
09:00 Lajme e Moti
Programi i plote
PUBLICITET
Tregtarët: Po falimentojmë
01/04/2012

Tregtarët që ushtrojnë aktivitetin e tyre në tregun industrial pranë Medresesë në Tiranë paralajmërojnë se janë gati të mbyllin licensat pasi sipas tyre po shkojnë drejt falimentit për shkak të rritjes së taksave.

Sipas tyre, inspektorët e Drejtorisë së Tatimeve në Bashki kanë rritur në mënyrë artificiale me mbi 1 milionë lekë xhirot vjetore të deklaruara prej tyre, si dhe është rritur taksa e pastrimit ndërkohë që u ishte premtuar e kundërta.

“Janë rritur taksat dhe këtë vit puna ka rënë shumë. Ne e kemi të pamundur të mbijetojmë me këto taksa. Edhe taksa e pastrimit që vjet ka qenë 68 mijë lekë, sivjet është bërë 83 mijë lekë”, shprehet një tregtar.

Në një kohë kur kanë mbetur vetëm 20 ditë nga afati i fundit për të paguar detyrimet ndaj Bashkisë, tregtarët shpresojnë të gjejnë një zgjidhje të ndërmjetme pasi më pas fillojnë e ndëshkohen me gjoba. Kreu i këshilltarëve socialistë Aldrin Dalipi i ka kërkuar tregtarëve të depozitojnë të gjithë dokumentacionin që kanë në marrëdhënie me Bashkinë e Tiranës.

“Ne do e përcjellim zërin tuaj në mbledhjen e Këshillit Bashkiak dhe do i kërkojmë sqarime kryetarit të Bashkisë. Do kërkojmë ngritjen e një komisioni të posaçëm që të rishikojë këtë situatë dhe të ndalet sa më parë kjo që po ndodh me bizneset në Tiranë”, theksoi Dalipi.

Ankesat për rritje të taksave vijnë nga tregtarë në të gjithë zonat e kryeqytetit ku përveç tatimeve e taksës së pastrimit është rritur edhe taksa për tabelën reklamuese të biznesit të vogël. Gjatë fushatës elektorale kryetari i Bashkisë së Tiranës, Lulzim Basha, pati premtuar uljen e taksave për biznesin e vogël në ndihmë të tyre, aq më tepër kur vendi po përballet me krizë financiare.  
/ Top Channel










Më shumë nga ekonomia
Mbështetja e prodhimit bujqësor
Sipas qeverisë, skema e re e subvencioneve në bujqësi që mbështet në masën 15% produktin përfundimtar pas dorëzimit në pikat e grumbullimit, synon formalizimin e sektorit dhe krijimin e fermave të përbashkëta.
Mbështetja e agro-përpunimit
Nga 14 mijë aplikime, 1700 është numri i fermerëve, që kanë përfituar nga fondi i qeverisë për subvencionet në bujqësi, e që në total kap shifrën e 1,7 mld lekëve.
HEC-et, fillon anulimi për 30 leje
Ministri i Energjitikës, Damian Gjiknuri ka firmosur anulimin e konçesionit për 30 hidrocentrale të tjera, në të cilat janë konstatuar mangësi ligjore dhe mosrespektim i kontratave.
FMN: Rritje e qendrueshme ekonomike
Viti që po mbyllet dhe dy vitet e tjera në vazhdim parashikohen me rritje të qendrueshme progresive të ekonomisë shqiptare.
CEZ falimentoi sistemin energjitik
Pas rreth 4 vitesh nën administrimin e tyre, çekët e CEZ e lanë kompaninë e Shpërndarjes së energjisë elektrike me vlerë negative tregu.


Top Channel 2001-2014
Ndalohet riprodhimi i paautorizuar i permbajtjes se kesaj faqeje.