13:10 "100 Milione" R
14:00 TN "Guximi i nje gruaje"
Programi i plote
PUBLICITET
Nisma “Shqipëria e pastër”
16/04/2012

Në kuadër të 100-vjetorit të Pavarësisë është organizuar në Durrës një tryezë me moton “Shqipëri e pastër” dhe me synimin që të përfshijë në ndërveprim vendimmarrësit lokalë, sipërmarrësit e riciklimit të mbetjeve urbane, si dhe botën akademike për një modelim të ri të hapësirës bregdetare, larg ndotjes.

Ministri i Turizmit Aldo Bumçi, pjesëmarrës në tryezë, duke iu referuar situatës aktuale të mbetjeve urbane në vend, deklaroi se vendi ndodhet në një situatë të papranueshme mjedisore, situatë e cila kërkon një plan emergjent masash për krijimin e mekanizmave mbrojtës ndaj ndotjes.
 
“Ne jemi në një situatë të papranueshme përsa i takon marrëdhënies që kemi me mjedisin dhe trajtimin e mbetjeve. Por kjo gjendje që është këtë vit ka qenë edhe vjet. Ajo çfarë ka ndryshuar nga vjet në sivjet është vetëdija jonë. Këtë vit ne si shoqëri si individë, si struktura shoqërore jemi shumë herë më të vetëdijshëm, nga ana e medias mbulimi i këtij problemi ka qenë më i shpeshtë dhe na duket sikur janë rritur përmasat e problemit. Problemi ka të njëjtat përmasa si më parë, madje mund të jetë përmirësuar pastrimi i mjedisit, është vetëdija jonë, është ndjeshmëria jonë dhe e medias dhe e qytetarëve që e bëjnë të ndjehet më fort dhe ky është një moment ku kristalizohet aksioni qeveritar dhe aksioni qytetar”, tha në fjalën e tij,  ministri Aldo Bumçi.

Më tej Bumçi u ndal edhe te situata e akseve rrugore kombëtare që janë shndërruar në një faktor të rritjes së nivelit të ndotjes në mjedis, duke akuzuar për me fshehtësi dhe paralajmëruar masa të ashpra për drejtuesit e njësive vendore që nuk administrojnë mbetjet urbane të territorit të tyre.

Lumi Ishëm ku shkarkohen derdhjet e Tiranës përmes lumit të Lanës dhe shumë zonave rurale përgjatë tij mbetet një ndër pikat më të nxehta të ndotjes që së fundmi mori dhe dy jetë njerëzish në kërkim të mbledhjes së bidonave plastikë përgjatë shtratit të lumit.

Edhe për ekspertin e gjeomjedisit, Sazan Guri, situata në bregdet paraqitet tejet e rënduar për shkak të mostrajtimit të mbetjeve.

Të gjithë aktorët pjesëmarrës në tryezë kanë pohuar njëzëri shqetësimin se situata përgjatë të gjithë Bregdetit të Adriatikut paraqitet problematike dhe nevojitet ndërhyrje e përbashkët.

Mbetjet urbane, Mediu në Lezhë

Ministr i Mjedisit, Fatmir Mediu është takuar me kryetarët e njësive vendore të qarkut Lezhë, me të cilët ka diskutuar mbi problemet që ndeshen në lidhje me mbetjet urbane dhe menaxhimin e tyre.

Në takim është diskutuar për nevojën urgjente të pastrimit të vijës bregdetare në këtë qark, për shkak se këto zona vuajnë nga një ndotje e madhe e akumuluar.

Ministri Mediu, duke folur për datën 20 prill si datë të vendosur nga qeveria si Dita e Shqipërisë së Pastër, ka kërkuar nga përfaqësuesit e pushtetit lokal që të percaktohen detyrat e çdo strukturë.

Por mbi të gjitha, ministri ka kërkuar që të përcaktohet një vend-depozitim tranzit për çdo njësi vendore, i cili të përmbajë kushtet e përcaktuara nga specialistët e mjedisit e më pas këto mbetje duhet të çohen në landfillindin e Bushatit. 

/ Top Channel



Facebook


Më shumë nga socialja
Kukës, ujësjellësi i ndotur
Ujësjellësi i Kukësit është një nga investimet më të mëdha dhënë për këtë bashki vitet e fundit.
Të verbërit, vështirësi në mësim
Personat e verbër që ndjekin arsimin parauniversitar në Shqipëri hasin vështirësi të mëdha në procesin e mësimit pasi kushtëzohen nga mungesa e mjeteve përkatëse mësimore deri tek librat.
Puna, shqiptarët më të diskriminuarit
Në të gjithë Europën juglindore shqiptarët kanë numrin më të lartë të punësimeve pa kontrata, ndërkohë që  papunësia te të rinjtë është mbi 32 përqind. I lart është edhe treguesi i diskriminimit seksual, por edhe politik. Të dhënat janë bërë publike pas një studimi të grupit “HedHunter”.
“Top Story”: Bujqësia shqiptare
Bujqësia dhe zhvillimi i këtij sektori ka qenë në fokus të puntatës së radhës të emisionit “Top Story”, transmetuar si çdo të enjte në ekranin e Top Channel.
Ndihma ekonomike, ndërhyn Avokati i Popullit
Avokati i Popullit nëpërmjet një deklarate për mediat u bëri thirrje të enjten Prefektit të Tiranës, Këshillit Bashkiak të Tiranës dhe Kryetarit të Njësisë Bashkiake që të marrin masa të menjëhershme për zhbllokimin e ndihmës ekonomike për 567 banorë të njësisë bashkiake nr.4 në kryeqytet të cilët që prej muajit janar nuk e kanë marrë atë.


Lajmet kryesore

Nisma “Shqipëria e pastër”
Vrasje me snajper për gjakmarrje
Shkodër, qëllohet 55-vjeçari ndërsa po punonte tokën
Ambasadorët mbështesin reformën territoriale
Naço: Ja skandalet e KLD-së
Prokurorë në Athinë për zemrën e Karelit
Aksident në Levan-Vlorë, 2 viktima
Frroku: Dritan Lamaj kishte konflikt me 200 biznese
Më të lexuarat
Temat e ditës
Ukraina, Aksidente rrugore, Reforma territoriale, Vrasja ne burg, SHISH, Siria, Vrasje, Lindja e Mesme, Akuzat për ushtrinë, Vendet e AMA-s
Top Channel 2001-2014
Ndalohet riprodhimi i paautorizuar i permbajtjes se kesaj faqeje.