17:40 "Pasdite ne Top Channel"
18:32 Serial "Smash" R
Programi i plote
PUBLICITET
Interkonjeksioni, Thaçi nuk komenton
17/04/2012 19:30

I pyetur për skandalin e linjës së interkonjeksionit me Kosovën, i denonocuar ditën e hënë në faqen e të përditshmes “Zëri”, kryeministri Thaçi preferoi të mos komentonte çështjen, duke thënë vetëm se nga ana e saj, Prishtina është duke ndjekur axhendën që ka për ndërtimin e kësaj linje.

”Unë dua të informohem më në detaje, përpara se të jap një mendim mbi këtë çështje. Përsa i përket institucioneve të Kosovës, ne jemi duke e respektuar plotësisht axhendën, prandaj mund të flas vetëm për raportet dhe përgjegjësite që ka qeveria e Kosovës e që është duke i respektuar plotëisisht”, deklaroi kryeministri Thaçi, që nuk iu përgjigj pyetjes konkrete, nëse ishte informuar apo jo nga pala shqiptare për gjithçka kishte ndodhur.

Vetëm disa detaje më shumë ofroi
Unë dua të informohem më në detaje, përpara se të jap një mendim mbi këtë çështje. Përsa i përket institucioneve të Kosovës, ne jemi duke e respektuar plotësisht axhendën tonë

Hashim Thaçi
Kryeministër i Kosovës
zëvendësdrejtori i Operatorit të Sistemit të Transmisionit të tregut të Kosovës, Naim Bejtullahu. Në mënyrë indirekte, ai kërkoi që të respektohen marrëveshjet e nënshkruara me Qeverinë Gjermane për shkak të detyrimit që kanë palët ndaj një udhëzimi të bankës gjermane.   

Bejtullahu nuk e komentoi fare artikullin e shkruar në “Zëri” dhe u shpreh i rezervuar të komentojë mbi përgjegjësite e palës shqiptare karshi këtij projekti.

Por, ai bëri të ditur se pasi që financues i këtij projekti është Banka Gjermane për Zhvillim, atëherë palët kanë rënë dakord që të shfrytëzohen procedurat e prokurimi të kësaj banke, procedura këto të cilat ende nuk kanë përfunduar.

“Këto janë të shprehura me një udhëzim të Bankës Gjermane dhe mbi bazen e saj ka filluar procesi i hartimit të dokumentacionit tenderues, i shpalljes së interesit dhe procedures së vlerësimit e kështu me radhe. Ky proces ende nuk ka perfunduar, përndryshe ne na detyrojnë, Kosovën dhe Shqipërinë, marrëveshjet për financim t’i zbatojmë këto procedura, pasi jemi pajtuar paraprakisht, por në këto procedura ka dispozita të cilat duhet me kujdes te zbatohen ndër to edhe informimi, qoftë edhe informimi i atyre që kanë marrë pjesë në tender, por edhe informimi i publikut”, deklaroi Naim Bajtullahu, zëvendësdrejtor i KOSTT.

I pyetur se a është ankuar Banka Gjermane për Zhvillim për vonesat e mundshme, Bejtullahu dha këtë përgjigje: “Nuk kemi asnjë informatë të kësaj natyre nga pala gjermane”.

Zyrtarët e KOSTT-it thonë se nuk kanë informacion as për faktin e shtyrjes së realizimit të këitj projekti. Sidoqoftë zëvendësdrejtori pranoi ekzistencën e vonesave të natyrave të ndryshme të projektit, i cili sipas tij është mjaft kompleks.

”Vonesat jane ato që jane ose nesë themi ka vonesa, sigurisht ka ende çështje për t’u zgjidhur, është projekt kompleks, është me vlerë 70 milionë euro, është kompleks në të gjitha detajet e tij dhe mbi të gjitha, është një projekt që kërkon një zbatues kompetent”.

Marrëveshja për ndërtimin e linjës së interkonjeksionit Shqipëri-Kosovë është nënshkruar në shtator 2009.  Ky projekt konsiston në ndërtimin e një linje të tensionit të lartë 400 kV me gjatësi rreth 238 km, prej së cilës 85.5 km në territorin e Kosovës dhe 153 km në territorin e Shqipërisë.

Vlera e tij është 70 milionë euro, ku pjesën e Kosovës do ta financojë Qeveria Gjermane përmes Bankës për Zhvillim pjesërisht në formë granti dhe pjesën tjetër me kredi afatgjatë.

Ndërkaq, pjesa e linjës së Shqipërisë pritet të financohet, po nga Banka Gjermane përmes kredisë afatgjatë. Në 2009-n ishte parashikuar që puna rreth përgatitjes së materialit për shpallje të tenderit të shpallet ne tre mujorin e parë të vitit 2010 dhe përfudimi i saj ishte parashikuar në vitin 2012. / Top Channel







Më shumë nga Kosova
Kosovë, festa e Fitër Bajramit
Mijëra besimtarë muslimanë në gjithë Kosovën falën namazin e Fitër Bajramit. Myftiu i Kosovës, Naim Tërrnava, në fjalimin e Fitër Bajramit në kryeqyetin kosovar është lutur për mëshirë dhe begati për qytetarët e Kosovës dhe mbarë trojeve shqiptare.
Kosovë, urimet për Fitër Bajramin
Udhëheqësit kosovarë kanë uruar të gjithë besimtarët myslimanë të prag të festës së Fitër Bajramit.
Thellohet defiçiti tregtar në Kosovë
Kosova vazhdon të ketë defiçit të lartë tregtar. Kështu u vlerësua nga drejtori i Odës Ekonomike të Kosovës, Arsim Gërxhaliu, në bazë të konstatimeve të treguesit të tendencës për biznes, për 3-mujorin e dytë të vitit 2014. Kjo situatë, sipas Gërxhaliut, është mjaft shqetësuese.
Vizat, vlerësim negativ për Kosovën
Rritja e madhe e numrit të azilkërkuesve kosovarë, në vendet e zonës “Schengen”, ka qenë indikatori kryesor ndikues në vlerësimin negativ, që i ka bërë Komisioni Evropian Kosovës, në procesin e liberalizimit të vizave.
“Brenda vitit data pĂ«r heqjen e vizave”
Ministrja e Punëve të Jashtme e Italisë, Federica Mogherini ka qëndruar për vizitë në Prishtinë ku ka rikonfirmuar mbështetjen italiane dhe evropiane për Kosovën.


Lajmet kryesore

Interkonjeksioni, Thaçi nuk komenton
Festa e Fitër Bajramit
Klerikët kërkojnë nga qeveria xhaminë e re
Politikanët urojnë besimtarët myslimanë
Bajrami, festë edhe në zonat e luftës
Në kërkim të parave të vjedhura
Arvizu: Kompromis për reformën
Hakerat, sulm faqeve të ministrive
Më të lexuarat
Temat e ditës
Lindja e Mesme, Ukraina, Vjedhja e Bankës, Reforma territoriale, Tragjedia ajrore, Siria, Integrimi
Top Channel 2001-2014
Ndalohet riprodhimi i paautorizuar i permbajtjes se kesaj faqeje.