20:11 Serial "Nikita"
20:59 "Shqip"
Programi i plote
PUBLICITET
Dosja e “21 Janarit” në gjykatë
30/04/2012

Pas më shumë se një viti të vështirë hetimor, katër prokurorët e dosjes “21 Janari 2011” dorëzuan në gjykatë dosjen voluminoze për vrasjen e tre demonstruesve dhe plagosjen e tre personave të tjerë, ndërkohë që deklarohen ende në proçes hetimi dhe pa autor vrasja e demonstruesit Aleks Nika dhe plagosja e Artes Dybeli, Ilia Qeskos dhe Ilia Papës.

Ish-komandanti i Gardës së Republikës, gjeneral Ndrea Prendi, u dërgua në gjykatë me akuzën e vrasjes në rrethana të tjera cilësuese për vrasjen e demonstruesit Faik Myrtaj. Vrasja e tij, thotë prokuroria në kërkesën për gjykim, dyshohet se është kryer nga Prendi, nga arma e tij personale me numër P52796Z, referuar edhe raport-ekzaminimit të kryer nga laboratori i Byrosë Federale të Hetimit në funksion.

Prokuroria thotë në kërkesën për gjykim se, Garda e Republikës ka paralajmëruar
Garda e Republikës ka paralajmëruar disa herë me megafon për të mos u futur në ambientin rrethues të godinës dhe më pas ka përdorur armët e zjarrit duke qëlluar në ajër

Prokuroria e Tiranës
Kërkesë për gjykim drejtuar gjykatës
disa herë me megafon për të mos u futur në ambientin rrethues të godinës dhe më pas kanë përdorur armët e zjarrit duke qëlluar në ajër.

Si pasojë e këtyre qitjeve, thotë prokuroria, gjetën vdekjen edhe Ziver Veizaj dhe Hekuran Deda, për vrasjen e të cilëve është nën akuzë zyrtarisht gardisti Agim Llupo, i vetmi i paraburgosur në këtë çështje.

Llupo, me detyrë shef i Shtabit të Njësisë Speciale, akuzohet për vrasje në rrethana të tjera cilësuese, si dhe për plagosjen e dy personave, Erald Bishës dhe gazetarit Fatos Mahmutaj. Prokuroria thekson se për demonstruesin tjetër që ndërroi jetë në Turqi, shtetasin Aleks Nika, hetimet vazhdojnë ende.

Zyrtarisht Prokuroria e Përgjithshme njofton se ndaj shtetasit Margarit Kume, me detyrë shofer i komandantit të Gardës së Republikës, u ngrit akuza për veprime që pengojnë zbulimin e së vërtetës, konkretisht për të njëjtën sekuencë gjatë së cilës ai është përballur më herët gjatë masës së sigurisë nga “arresti shtëpiak” në “detyrim paraqitjeje”.

Ai do të gjykohet për akuzën e prokurorisë, që dyshon për ndryshim të tytës së armës së tij tip “Berreta”. Ndërkohë që ish-specialisti i IT-së në Këshillin e Ministrave do të gjykohet për dyshimet se është personi që ka fshirë pamjet filmike gjatë mesnatës, duke zbardhur dita pas 21 janarit.

Prokuroria e Përgjithshme njofton se ndaj të ashtuquajturit “grupi i zjarrit”, konkretisht ndaj nëntë efektivëve, shumica e të cilëve pjesëtarë të njësisë speciale të Gardës së Republikës, jane pushuar hetimet.

Personat për të cilët janë pushuar hetimet janë komandanti i njësisë numër 2, Dashamir Shehi, komandanti i njësisë speciale Alfred Ahmetcenaj, komandanti i njësisë Altin Kollçinaku, komandanti i njësisë Fatos Bushati, komandanti i njësisë Aleksandër Deda dhe efektivët e njësisë speciale Agron Malaj,  Gazmend Ahmetaj, Sadik Çela dhe Mark Nikolli. / Top Channel










Më shumë nga kronika
Në kërkim të parave të vjedhura
Prokuroria dyshon se një pjesë e parave, që u vodhën në Thesarin e Bankës së Shqipërisë, mund të jenë transferuar jashtë shtetit.
Korçë, tentohet të grabitet një argjendari
Një tentativë grabitje është regjistruar këtë të diel në qendër të qytetit të Korçës, ku dy persona të maskuar dhe me armë kanë tentuar të grabisin një argjendari.
Fier, parandalohet krimi në familje
Mesditën e së dielës, policia e qarkut të Fierit ka mundur të parandalojë një krim të rëndë brenda familjes, duke arrestuar autorin e ngjarjes dhe duke sekuestruar mjetin, me të cilën do të kryhej ajo.
Hajduti i Bankës, bixhozçi profesionist
Në rrugën “Fortuzi”, ku edhe ka banesën ekonomisti i Bankës së Shqipërisë Ardian Bitraj, banorët e zonës e njohin atë jo vetëm si frekuentues të lojërave të fatit, por edhe të pikave të basteve ku ai në këtë zonë raportohet se ka lënë shuma të konsiderueshme parash.
Vjedhja e bankës së shtetit
Ekspertët thonë se skandali i vjedhjes së parave cënon rëndë imazhin e Bankës Qendrore dhe hedh dyshime për mënyrën se si menaxhohet institucioni, që qeveris sistemin financiar të vendit.


Lajmet kryesore

Dosja e “21 Janarit” në gjykatë Në kërkim të parave të vjedhura
Skandali i Bankës së Shtetit, dyshime se paratë mund të jenë nxjerrë jashtë vendit. Shteti, ku banka luhet në kumar
Arvizu: Kompromis për reformën
Festa e Fitër Bajramit
Politikanët urojnë besimtarët myslimanë
Nisma globale për viktimat e luftës
Hakerat, sulm faqeve të ministrive
Më të lexuarat
Temat e ditës
Lindja e Mesme, Ukraina, Vjedhja e Bankës, Reforma territoriale, Tragjedia ajrore, Integrimi
Top Channel 2001-2014
Ndalohet riprodhimi i paautorizuar i permbajtjes se kesaj faqeje.