Dita e Europës
09/05/2012 22:39
“Prokurori alla Enver Kadri! Meqë je kaq trime, hajde ikim në gjykatë”, Ndreca dhe Vokshi vijojnë përplasjet te “Shëndetësia”, deputetja: Një person në konflikt interesi… 25/04 13:11
Në Ditën e Europës, Delegacioni i Bashkimit Evropian në Shqipëri organizoi një koncert në Teatrin Kombëtar të Operas dhe Baletit, ku mes të tjerësh ishin të ftuar autoritetet më të larta vendase dhe artistë.
Fjalën e hapjes e mbajti ambasadori i Bashkimit Evropian në Tiranë, Ettore Sequi, i cili përcolli mesazhin “Aty ku ka zemër ka dhe krahë”.
Sequi u shpreh se Europa është sot një histori e hapur dhe e ardhmja e Shqipërisë është në Europë, pavarësisht sfidave dhe peripecive që do t’i duhet të kalojë. “Unë e di që objektivi nuk është i lehtë, por është një objektiv kombëtar i cili do arrihet”, u shpreh Sequi.
Në aktivitetin e organizuar me këtë rast ishin të pranishëm Presidenti Bamir Topi, Kryeministri Sali Berisha, kryesocialisti Edi Rama, kryeparlamentarja Jozefina Topalli etj.
Pjesë e koncertit ishin artistë shqiptarë që zhvillojnë aktivitete artistike në vende të ndryshme të Evropës.
Ndryshe nga herët e tjera, kur në Shqipëri për ditën e Evropës organizoheshin aktivitete gjatë një jave, këtë vit ato do të shtrihen përgjatë të gjithë muajit maj.
Kjo ditë e ka zanafillën më 9 maj të 1950-ës, datë kur Robert Shuman paraqiti propozimin që çoi në themelimin e Bashkimit Europian.
Top Channel
