20:17 "Fiks Fare"
21:00 "Top Story"
Programi i plote
PUBLICITET
Albright në garë për PTK-në
15/08/2012

Në shenjë mirënjohje për kontributin e dhënë, emrin  e saj e mbajnë shumë vajza, por edhe shumë rrugë në Kosovë. Kohë më parë Medeleine Albright, nga presidenti amerikan Barak Obama u dekorua me  medaljen e lirisë pikërisht për kontributin në zhvillimet gjatë dhe pas luftës në Kosovë.

Por, më shumë se një dekadë më pas, interesimi i saj për shtetin e ri vjen në një këndvështrim tjetër. Kompania e zonjës Albright tashmë edhe zyrtarisht  është në garë për blerjen e 75% të aksioneve të PTK-së. Nëpërmjet një njoftimi për shtyp bëhet e ditur se, komisioni Qeveritar i Privatizimit të PTK-së ka përmbyllur afatin e dorëzimit të aplikacioneve për para-kualifikim të kompanive të interesuara.

Kompania e ish-Sekretares amerikane të Shtetit Madeleine Albright, “Albright Capital Management Llc”, kryeson listën për të blerjen e 75 përqind të aksioneve të PTK-së. Ndërkohë në garë janë edhe 7 kompani të tjera vendëse dhe ndërkombëtare, aksionarët e të cilave janë të njohur në Kosovë.  
 
Përveç zonjës Albright interesim për investime në Kosovë ka kohë që kishte shprehur edhe ish gjenerali i NATO-s, Wesley Clark. Sic mësohet z.Clark kohë më parë ishte interesuar për investime në prodhimin e naftës sintetike nga thëngjillit në regjionin e Dukagjinit.

Me datë 08 të këëtij muaji portali greko-shqiptar (Sm Analisys) kishte publikuar një shkrim ku thuhet se Clark kishte ndërhyrë në Shqipëri lidhur me bizneset kontraktuale. Madje thuhet që ai së bashku me biznesmenin serbo-bshnjak Damir Fazllic kishte negociuar për monopolin që kishte të bënte me vulat fiskale në Shqipëri.

Pra skandali qëndron në atë që vulat e taksave do të shiten dy herë më shtrenjtë si rezultat i evazionit fiskal. Gjithashtu mediat spekulojne se Fazllic dhe Clark synojnë bisnesin e lojrave të fatit.   

Në anën tjeter, bazuar në njoftimit të Ministrisë së Zhvillimit Ekonomik ofertat për privatizimin e aseteve të PTK-së do të vlerësohen nga një komision profesional i përbërë nga zyrtarët e të gjitha ministrive të përfaqësuara në komision.

“Komisioni mbetet e përkushtuar për ta kryer me sukses dhe me transparencë të plotë procesin e privatizimit të  75% të aksioneve të PTK-së .Gjatë kryerjes së këtij procesi do ti kushtoj rëndësi të posaçme edhe zhvillimit të mëtutjeshëm dhe progresiv të sektorit të telekomit dhe veçmas të kompanisë ku shteti do të jetë aksionar me 25% dhe mirëqenies së punëtorëve të telekomit që do të jenë pjesë e kompanisë me kapital të përzier privat dhe publik”, thuhet në njoftimin për shtyp.

Tani mbetet të shihet nëse kompanitë e aleatve ndërkombëtar të kosovës dhe shqiptarëve në përgjithësi do ti plotësojnë kushtet për ti blerë asetet e vlefshme të Kosovës.

Kompanitë të cilat kanë aplikuar për privatizimin e PTK-së:

Albright Capital Management LLC  ( Shtetet e Bashkuara të Amerikës )
Avicenna Capital LLC në konsorcium me Twelve HORNBEAMS ( Mbretëria e Bashkuar, Poloni )
Columbia Capital në konsorcium me ACP Axos Capital Gmbh ( Shtetet e Bashkuara të Amerikës, Gjermani)
Elkos LLC ( Kosovë )
Geni Capital (Luxemburg )
M1 International Limited ( British Virgin Islands )
Monaco Telecom International SAM ( Monaco )
Turkcell ( Turqi ) / Top Channel



Facebook


Më shumë nga Kosova
EULEX kritikon krerët e komunave serbe
Misioni i Bashkimit Europain në Kosovë, EULEX ka regauar pas deklartatave të krerëve të komunave serbe në veri, lidhur me arrestimin e Radovan Radiç, i dyshuar për vrasjen e policit Enver Zymberi dhe disa vepra të tjera penale.
Gjykata, Thaçi: Votimi kur të jemi gati
Kryeministri i Kosovës, Hashim Thaçi tha se në momentin kur Kuvendi do të jetë gati, partitë politike do të votojnë themelimin e Gjykatës Speciale për krime lufte.
“SHBA, sqarime për ambasadorin Dell”
Lëvizja Vetëvendosje ka kërkuar nga Ambasada amerikane në Prishtinë si dhe nga Departamenti i Shtetit në Uashington, që  të sqarojnë rolin e ish-ambasadorit amerikan Christopher Dell, në kontratën për ndërtimin e autostradës Prishtinë-Vermicë, e cila i kushtoi Kosovës mbi 800 milionë euro.
Vendet e rezervuara, pakicat s’heqin dorë
Deputetët e minoriteteve në Kosovë po vazhdojnë të kërkojnë në çdo forum institucional vendet e rezervuara edhe për një mandat.
Rikthehen ndërprerjet e energjisë
Kosova ka përjetuar të mërkurën ndërprerje të gjata të furnizimit me energji elektrike për shkak të disa problemeve teknike në rrjetin kombëtar.


Lajmet kryesore

Albright në garë për PTK-në Akuzat për ushtrinë zbresin në Kuvend
Berisha: Kemi fakte nga SHIU. Rama: Çojini provat në prokurori
Akuzat për drogë nga Gjadri
Prokuroria: Po verifikojmë akuzat
Mazhoranca i jep fund pritjes së opozitës
Forumi ekonomik i Kroacisë
Ahmetaj, në krye të vizitës në Rumani
Më të lexuarat
Temat e ditës
Ukraina, Akuzat për ushtrinë, Aksidente rrugore, Siria, Reforma territoriale, Eksplozivi, Lindja e Mesme, Arsimi, Irani
Top Channel 2001-2014
Ndalohet riprodhimi i paautorizuar i permbajtjes se kesaj faqeje.