15:00 Lajme e Moti
15:35 Select
Programi i plote
PUBLICITET
Zjarret, gjendje e jashtëzakonshme
29/08/2012 22:20

Zjarret, gjendje e jashtëzakonshme
Si rezultat i rëndimit të situatës së krijuar nga zjarret që kanë përfshirë disa zona të vendit, Shtabi i Përgjithshëm dhe të gjitha strukturat e Forcave të Armatosura kanë kaluar në gatishmëri të plotë.

Ministria e Mbrojtjes njoftoi mbrëmjen e së mërkurës se ka vënë në gatishmëri të gjitha forcat dhe mjetet për të përballuar këtë situatë, që e cilëson shumë të rënduar. Në një njoftim zyrtar thuhet se:

“Me urdhër të shefit të Shtabit të Përgjithshëm, gjeneral-major Xhemal Gjunkshi, është ngritur një grup i veçantë, nën drejtimin e zv.shefit të Shtabit të Përgjithshëm për Operacionet, gjeneral brigade Sandër Lleshi, i cili do të menaxhojë në vijimësi situatën emergjente të
Zjarret
krijuar”.

Sipas Ministrisë së Mbrojtjes, një situatë e vështirë paraqitet në Qafë Priskë dhe në Malin e Dajtit, ku janë angazhuar 164 forca, 7 mjete dhe një autoambulancë.

Ndërkohë, të enjten, që në orët e para të mëngjesit, për përballimin e situatës së krijuar në Malin e Dajtit dhe në Qafë Priskë do të angazhohen edhe 600 trupa të tjera, një helikopter, disa mjete të tjera transporti dhe autoambulanca të Foracave të Armatosura.

Situatë e rënduar është edhe në Pukë, ku janë rrezikuar edhe disa banesa. Vatra zjarri ka në Kukës, Dibër, Shkodër, Elbasan, Vlorë, Gjirokastër e Berat. / Top Channel









Lajmet kryesore

Zjarret, gjendje e jashtëzakonshme “Marrëveshja me CEZ, skandali i shekullit”
Basha: Gjyqin, qeveria e kishte të sigurt që e fitonte. Dëmi real 3 miliardë USD
Gjiknuri: Marrëveshja ishte e detyrueshme
Shembet hyrja e tunelit të HEC-it
Tiranë, tregtarët sërish në protestë
Axhenda e vizitës së Papës në Shqipëri
Protestë për ndarjen territoriale
Më të lexuarat
Temat e ditës
Ukraina, Reforma territoriale, Lindja e Mesme, Vjedhja e Bankës, Tragjedia ajrore, Kriza Financiare, Reformat, Arsimi
Top Channel 2001-2014
Ndalohet riprodhimi i paautorizuar i permbajtjes se kesaj faqeje.