Meksikë, luftë mes karteleve, 33 të vrarë
30/08/2012 21:45
Blinken mbërrin në Arabinë Saudite, pritet të diskutojnë për luftën në Gaza 29/04 09:28
Fyte të prerë, trupa të copëtuar dhe të tjerë të masakruar nga plumbat. Bëhet fjalë për 33 persona që janë vrarë në 48 orët e fundit në shtetin Nuevo Leon të Meksikës.
Në shtetin në kufi me Teksasin po bëhet gjithnjë e më i përgjakshëm konflikti mes Kartelit të Gjirit dhe atij Los Zetas, për kontrollin e narkotrafikut në kryeqytetin Monterrey.
Më herët gjatë muajit qeveria meksikane miratoi një vendim për mobilizimin e 12 mijë ushtarëve dhe 3 mijë agjentëve të policisë federale në 7 shtete të vendit, për të luftuar krimin e organizuar.
Departamentet e Mbrojtjes dhe Sigurisë Kombëtare njoftuan se 600 ushtarët e parë, të mbështetur nga dy helikopterë dhe 20 autoblinda, ishin dërguar në shtetin e Mikoaçanit.
Në tërësi dhuna e lidhur me trafikun e drogës në Meksikë ka shkaktuar rreth 50 mijë viktima që prej vitit 2006, kur presidenti i atëhershëm futi ushtrinë kundër karteleve.
Pavarësisht arrestimit të figurave të spikatura të botës së krimit të vendit latin, situata mbetet e pandryshueshme dhe dhuna e trafikantëve nuk kursen as të miturit.
Top Channel
