14:03 TN "Guximi i nje gruaje"
15:00 Lajme e Moti
Programi i plote
PUBLICITET
Shqipëria feston 100-vjetorin
28/11/2012

Ceremoni madhështore në Vlore me rastin e 100-vjetorit të Pavarësisë së Shqipërisë. Ngritja e flamurit në shenjë simbolike në këtë ditë të shënuar mblodhi në Vlorë krerët e shtetit dhe politikës shqiptare, ndërsa në shesh ishin  me qindra e mijëra qytetarë, jo vetëm nga Vlora dhe qytetet rrotull, por nga të gjitha trojet shqiptare.

Festa e madhe e Pavarësisë u kthye në një ditë pelegrinazhi për të gjithë ata që ndihen patriotë, atdhedashës, që e duan dhe e nderojnë tokën tonë. Ashtu sikurse një shekull më parë, edhe sot në Vlorë ishin 'delegatët' nga qarqet e Shqipërisë, por edhe nga Kosova. Disa prej tyre madje e kishin nisur prej ditësh rrugëtimin me kuaj dhe kanë mbërritur në Vlorë në këtë ditë të madhe.

Në mënyrë simbolike Presidenti i Republikës dhe kryetari i Bashkisë së Vlorës prenë tortën gjigante të përgatitur me këtë rast. Ndërkohë ajo që binte në sy ishte qendrimi pranë njëri-tjetrit i Kryeministrit Sali Berisha dhe kryetarit të opozitës Edi Rama. Në Vlorë ishin edhe krerët e shtetit të Kosovës, presidentja Atifete Jahjaga dhe Kryeministri Hashim Thaci. 

Në fjalën e rastit, Kryetari i Bashkisë së Vlorës Shpëtim Gjika deklaroi në këtë ditë të shënuar, se të gjithë duhet të ecim përpara, të ketë bashkim vëllazëror në të gjithë spektrin e ngjyrave, bashkim zemrash, vullnetesh dhe fuqish të pashterrura. "Vlora jonë ka arsye të ndihet krenare, si qyteti që e mbajti frymën e gjallë të ndjenjës së lirisë. Të gjithë ne shqiptarët kemi arsye të ndihemi krenarë që Ismail Qemali ishte një politikan i urtë, një burrë i mencur. Në jetë të jetëve u nderofte emri dhe figura e tij!" tha Gjika.

Presidenti i Republikës, Bujar Nishani në fjalën e tij përshëndeti të gjithë bashkëkombasit në këtë ditë të madhe për gjithë shqiptarinë. "Kanë provuar të na e çjerrin, grisin flamurin dhe nuk e kemi lejuar. Kanë dashur ta zhdukin, por ne e kemi sjellë përsëri, kanë dashur ta ndryshojnë, por nuk kane arritur ta ndryshojnë apo ta mposhtin. Ja ku e kemi sot këtë flamur krenar. Historia e vendit tonë dëshmon qartë për gjakun e derdhur, për sakrificat e shumta për të sjellë pavarësinë dhe lirinë", u shpreh Nishani. Kreu i shtetit tha se këtë 100-vjetor ne vjelim punën dhe kontributin e atyre burrave dhe grave të një shekulli më parë që na sollën Pavarësinë, ndaj figura e tyre do të mbetet e ndricuar ndër vite.



Tirana e “pushtuar” nga festa

Të veshur kuq e zi apo me kostume kombëtare, mijëra qytetarë kanë festuar në rrugët e kryeqytetit 100-vjetorin e Pavarësisë.

Atmosfera festive ka nisur që në orët e para të mëngjesit. Thuajse të pushtuara nga qytetarë me flamuj në duar, të rinj e të reja, apo fëmijë të pikturuar kuq e zi, kanë qenë sheshi “Skënderbej”, rruga përgjatë “Bulevardit Dëshmorët e Kombit” dhe sheshi “Nënë Tereza”.

Për të qenë pjesë e festës së madhe të Tiranës, me rastin e 100-vjetorit të Pavarësisë, kryeqyteti ka mbledhur qytetarë nga të gjitha qytetet e vendit, Kosova, Maqedonia dhe Mali i Zi.

Të jesh pjesë e një jubileu të tillë të jepet fati vetëm njëherë, ndaj dhe të gjithë ndjehen të kënaqur, që janë pjesë e 100-vjetorit të Pavarësisë. Të gjithë ndjehen të përshkuar nga një lloj entuziazmi dhe euforie, ku pa dyshim sundojnë dozat e krenarisë kombëtare.

Pritet torta gjigante në Tiranë

Nderkohe ne Tirane festimet kane vijuar me prerjen e tortes gjigante prej 14 tonesh, te vendosur ne sheshin Skenderbej. Ishte Kryeministri Sali Berisha, homologu i tij kosovar Hashim Thaçi, presidentja e Kosoves Atifete Jahjaga dhe kryetari i Bashkise se Tiranes Lulzim Basha,ata te cilen ndane edhe copat e para te kesaj torte per te pranishmit.






 

/ Top Channel

Foto






Më shumë nga politika
PD denoncon heshtjen e Ramës
Për Partinë Demokratike është e papranueshme dhe e pafalshme, se si kryeministri Edi Rama hesht prej 17 ditësh për dosjen e publikuar nga opozita, sipas së cilës deputeti socialist, Arben Ndoka, është një ish-i dënuar në Itali për shfrytëzim prostitucioni.
Basha: Rama po zhbën demokracinë
Kryetari i Partisë Demokratike, Lulzim Basha u takua me ministren e Jashtme të Italisë, Federica Mogherini, e cila ndodhet në një tur vizitash në rajon, në kuadër të marrjes nga Roma zyrtare të Presidencës së Bashkimit Europian.
Italia: Mos humbni kohë për negociatat
Ministrja e Jashtme italiane që vizitoi Shqipërinë, Federica Mogherini deklaron se Shqipëria, pas marrjes së statusit, të nxitojë me reformat për të mos humbur kohë me hapjen e bisedimeve.
PD: Policia dhunon familjen dhe pronën e saj
Partia Demokratike ka denoncuar aktet e dhunës së Policisë së Shtetit, sipas saj, ndaj një familjeje në Kombinat.
Dialog i ri Shqipëri-Serbi
Italia do të jetë ndërmjetëse për përmirësimin e marrëdhenieve mes Shqipërisë dhe Serbisë. Kështu deklaroi ministrja e jashtme Federika Mogherini gjatë vizitës në Tiranë, ndërsa për ministrin Ditmir Bushati raportet Shqipëri-Itali duhet të jenë model edhe për marrëdhëniet me Greqinë.


Lajmet kryesore

Shqipëria feston 100-vjetorin
Festa e Fitër Bajramit
Klerikët kërkojnë nga qeveria xhaminë e re
Kosovë, festa e Fitër Bajramit
“Paratë mund të jenë nxjerrë jashtë”
OKB: Armëpushim humanitar pa kushte
Hakerat, sulm faqeve të ministrive, akuza Ramës
Ndryshimi i klimës
Më të lexuarat
Temat e ditës
Lindja e Mesme, Ukraina, Siria, Tragjedia ajrore, Vjedhja e Bankës, Integrimi, Reforma territoriale
Top Channel 2001-2014
Ndalohet riprodhimi i paautorizuar i permbajtjes se kesaj faqeje.