03:35 Film "Vellezerit Blum"
05:35 "Pasdite ne TCH" R
Programi i plote
PUBLICITET
Zgjedhjet, teknologjitë e reja, vlera 5 milionë euro
14/12/2012

Zgjedhjet, teknologjitë e reja, vlera 5 milionë euro
Aplikimi i teknologjive të reja në zgjedhjet e 2 qershorit do të kushtojnë për taksapaguesit shqiptarë 5 milionë euro.

Edhe pse nuk është një shifër përfundimtare, ekspertët e Komisionit Qendror të Zgjedhjeve e përllogarisin këtë si shifër të përafërt. Numërimi elektronik në Qarkun e Fierit dhe identifikimi i zgjedhësve në Qarkun e Tiranës ishte objekt i një mbledhjeje të hapur në KQZ.

Pas prezantimit të projektit nga eksperti Petrit Gjokutaj, si dhe dhënies së mendimeve nga përfaqësuesit e AKSHE-së dhe të Ministrisë së Brendshme, 7 anëtarët e KQZ-së e cilësuan si tepër të lartë shifrën e përllogaritur, pasi zgjedhjet në shkallë kombëtare kushtojnë 6 milionë euro. Një tjetër shqetësim ka qenë koha e shkurtër për realizimin e tenderit, pasi rrezikohen të shkelen afatet ligjore të parashikuara në Kodin Zgjedhor.

Për këtë janë diskutuar mënyrat e tenderimit, nëse do të jetë e hapur apo me procedurë të negociuar. Tenderi i hapur, për shkak të afateve kohore, rrezikon mosvënien në jetë të teknologjisë së re. Nga anëtarët e KQZ-së u hodh ideja e aplikimit të mënyrës së dytë të tenderimit. Por mospasja e një shifre të saktë për këto dy teknologji, ka trembur disa nga anëtarët e KQZ-së. Gjithashtu ky institucion synon të realizojë me një kosto më të ulët zbatimin e dy teknologjive të reja. Numërimi elektronik në Qarkun e Fierit, i cili sipas Kodit duhet të jetë gati më 23 mars, i ka shqetësuar më shumë palët. Disa nga kompanitë që ofrojnë këtë shërbim kanë kërkuar të prodhojnë fletët e votimit, pasi jo çdo lloj formati mund të lexohet. Përfaqësuesja e Ministrisë së Brendshme, Harizaj, i mëshoi më tepër idesë që kompanitë të jenë të licencuara dhe të kenë patentën ISO 27001 si certifikim. Por në botë janë vetëm 70 kompani që ofrojnë një shërbim të tillë. Përfaqësuesi i PS-së, Genc Gjonçaj, parashtroi se nëse procedurat e tenderimit nuk marrin udhë brenda muajit dhjetor, atëherë dy projektet teknologjike rrezikojnë dështimin. Projekti për identifikimin e zgjedhësve në mënyrë elektronike në Tiranë ka kosto më të madhe. Ai parashikohet të shkojë deri në 2.7 milionë euro. Kjo, pasi duhet të blihen 1200 aparatura të posaçme. Shtatë anëtarët kanë vendosur që të premten të hapin garën për tenderin për këtë shërbim dhe nga mesi i muajit shkurt pritet të lidhet kontrata, në tentativën për të reduktuar këtë shifër.

Gazeta "Shqip"

/ Top Channel







Më shumë nga politika
Arvizu: Kompromis për reformën
Për ambasadorin amerikan Alexander Arvizu, vendi i të cilit ka mbështetur financiarisht dhe me ekspertë reformën territoriale, qeveria ka bërë një punë të mirë me konsultimet për këtë çështje.
PD denoncon heshtjen e Ramës
Për Partinë Demokratike është e papranueshme dhe e pafalshme, se si kryeministri Edi Rama hesht prej 17 ditësh për dosjen e publikuar nga opozita, sipas së cilës deputeti socialist, Arben Ndoka, është një ish-i dënuar në Itali për shfrytëzim prostitucioni.
Basha: Rama po zhbën demokracinë
Kryetari i Partisë Demokratike, Lulzim Basha u takua me ministren e Jashtme të Italisë, Federica Mogherini, e cila ndodhet në një tur vizitash në rajon, në kuadër të marrjes nga Roma zyrtare të Presidencës së Bashkimit Europian.
Italia: Mos humbni kohë për negociatat
Ministrja e Jashtme italiane që vizitoi Shqipërinë, Federica Mogherini deklaron se Shqipëria, pas marrjes së statusit, të nxitojë me reformat për të mos humbur kohë me hapjen e bisedimeve.
PD: Policia dhunon familjen dhe pronën e saj
Partia Demokratike ka denoncuar aktet e dhunës së Policisë së Shtetit, sipas saj, ndaj një familjeje në Kombinat.


Lajmet kryesore

Zgjedhjet, teknologjitë e reja, vlera 5 milionë euro Në kërkim të parave të vjedhura
Skandali i Bankës së Shtetit, dyshime se paratë mund të jenë nxjerrë jashtë vendit. Shteti, ku banka luhet në kumar
Bllokohet lëvizja në Kakavijë
Festa e Fitër Bajramit
Politikanët urojnë besimtarët myslimanë
Nisma globale për viktimat e luftës
Arvizu: Kompromis për reformën
Më të lexuarat
Temat e ditës
Lindja e Mesme, Ukraina, Tragjedia ajrore, Vjedhja e Bankës, Reforma territoriale, Turizmi, Integrimi, Siria
Top Channel 2001-2014
Ndalohet riprodhimi i paautorizuar i permbajtjes se kesaj faqeje.