17:40 "Pasdite ne Top Channel"
18:32 Serial "Smash" R
Programi i plote
PUBLICITET
Hiqet TVSH për makineritë
18/12/2012

Komisioni i Ekonomisë miratoi një ligj që heq Tatimin mbi Vlerën e Shtuar për makineritë dhe pajisjet përkundrejt disa kushteve.

“Ligji parashikon, që të përfitosh duhet që investimi të jete i një vlerë prej 500 mijë dollarësh, por duke patur parasysh vecanërisht kërkesën e dy sektorëve, atyre që ne i referohemi si fasonë, si dhe agro-biznesit, kjo vlerë është konsideruar zero”, tha zëvendësministri i Financave Alfred Rrushaj.

Por opozita kërkoi që TVSH-ja të hiqet edhe për investimet nën shumën 500 mijë dollarë që nga kjo masë të përfitojë dhe biznesi i vogël.

“Unë i propozoj Komisionit që të mos ketë shumë limit, por investimi të jetë nga një lek, të përfshijë edhe sektorët të cilët sot janë në nevojë të madhe investimesh.Urgjent ta heqim shifrën 500 mijë dollarë që të përfshihet edhe bujqësia”, tha deputeti socialist Arben Ahmetaj.

Por maxhoranca thotë se kjo do fundoste buxhetin. “Rreth 25-30 për qind është TVSH-ja e vjelur nga asetet kapitale, që i bie nga 300 -400 milionë dollarë  në varësi të performancës. Nëse  po mendojmë se thjesht po heqim diskriminimin dhe t’i krijojmë shtetit një gjobë 400 milionë dollarëshe, kjo është shumë e rëndë”, tha deputeti demokrat Florion Mima.

Opozita thotë se masat e propozuara nga Qeveria janë kopje gjysmake e paketës që ajo ka propozuar për të lehtësuar biznesin. Mimi Kodheli tha se deputetët socialistë do e votonin ligjin vetëm nëse përfshihen të plota propozimet e opozitës.

“Në momentin që ne vlerësojmë që në parim këto amendime që vijnë nga Qeveria nuk prekin në mënyrë të barabartë të gjitha bizneset, ne do të ishim dakord me propozimet që sillen, nëse do të merreshin parasysh propozimet tona dhe këtë e them në parim”, tha Kodheli.

Në fund drafti u miratua me votat e deputetëve demokratë dhe përveç heqjes së TVSH-së për makineritë, ai bën zero edhe TVSH-në për çimenton dhe hekurin që përdoret për ndërtimin e hidrocentraleve.
/ Top Channel







Më shumë nga ekonomia
Mbështetja e prodhimit bujqësor
Sipas qeverisë, skema e re e subvencioneve në bujqësi që mbështet në masën 15% produktin përfundimtar pas dorëzimit në pikat e grumbullimit, synon formalizimin e sektorit dhe krijimin e fermave të përbashkëta.
Mbështetja e agro-përpunimit
Nga 14 mijë aplikime, 1700 është numri i fermerëve, që kanë përfituar nga fondi i qeverisë për subvencionet në bujqësi, e që në total kap shifrën e 1,7 mld lekëve.
HEC-et, fillon anulimi për 30 leje
Ministri i Energjitikës, Damian Gjiknuri ka firmosur anulimin e konçesionit për 30 hidrocentrale të tjera, në të cilat janë konstatuar mangësi ligjore dhe mosrespektim i kontratave.
FMN: Rritje e qendrueshme ekonomike
Viti që po mbyllet dhe dy vitet e tjera në vazhdim parashikohen me rritje të qendrueshme progresive të ekonomisë shqiptare.
CEZ falimentoi sistemin energjitik
Pas rreth 4 vitesh nën administrimin e tyre, çekët e CEZ e lanë kompaninë e Shpërndarjes së energjisë elektrike me vlerë negative tregu.


Lajmet kryesore

Hiqet TVSH për makineritë
Festa e Fitër Bajramit
Klerikët kërkojnë nga qeveria xhaminë e re
Politikanët urojnë besimtarët myslimanë
Bajrami, festë edhe në zonat e luftës
Në kërkim të parave të vjedhura
Arvizu: Kompromis për reformën
Hakerat, sulm faqeve të ministrive
Më të lexuarat
Temat e ditës
Lindja e Mesme, Ukraina, Vjedhja e Bankës, Reforma territoriale, Tragjedia ajrore, Siria, Integrimi
Top Channel 2001-2014
Ndalohet riprodhimi i paautorizuar i permbajtjes se kesaj faqeje.