Senatorët USA kundër “Zero Dark Thirty”
20/12/2012 00:00
Policia e Los Angelos hap një hetim për vdekjen e aktorit Matthew Perry! Dyshohet se… 22/05 08:12
Filmi mbi gjuetinë për Osama bin Laden përmban “gabime” pasi sugjeron se
tortura shërbeu për të çuar tek zbulimi i vendndodhjes së tij.
Kështu thonë tre senatorë amerikanë, që i kanë publikuar qëndrimet e tyre ndaj “Zero Dark Thirty” në një letër dërguar presidentit të Sony Pictures Entertainment.
“Filmi i regjisores Kathryn Bigeloë përjetëson mitin se tortura është një mjet efikas. Filmi përshkruan një shumëllojshmëri praktikash kontroverse”, thuhet në letrën e tre senatorëve.
Por sipas regjisorit dhe skenaristit të “Zero Dark Thirty”, Mark Boal, asnjë metodë nuk rezultoi përgjegjëse për gjuetinë e suksesshme të kryeterroristit.
Letra është firmosur nga senatorët Dianne Feinstein, Carl Levin dhe ish-kandidati për president i Shteteve të Bashkuara, John McCain.
Përveç promovimit të torturës, ata pretendojnë se filmi tregon më shumë se ç’duhet edhe përsa u përket taktikave të shërbimeve të inteligjencës.
Treshja, të gjithë anëtarët e të cilës janë pjesë e Komitetit të Senatit për Shërbimet Sekrete, deklaron gjithashtu se kompania Sony dhe drejtuesi i saj Michael Lynton kanë detyrimin që të modifikojnë filmin.
Top Channel
