12:00 Lajme e Moti
14:07 Serial "Nikita" R
Programi i plote
PUBLICITET
Kosova në prag të 5-vjetorit
11/01/2013 18:00

Kosova në prag të 5-vjetorit
Fillojnë përgatitjet për shënimin e pesëvjetorit të pavarësisë së Kosovës. Barrën kryesore të organizimit e ka marrë zëvendëskryeministri i Hajredin Kuçi.

Nëpërmjet telefonit ai bëri të ditur se ceremonia kryesore ndërlidhet me atë që është quajtur parada e pavarësisë. Kjo nënkupton parakalimin e një formacioni shumë më të madh të trupave të Forcës së Sigurisë së Kosovës, por jo vetëm kaq.

Në pesëvjetorin e pavarësisë së Kosovës do të parakalojnë edhe një tog nderi i ish-Trupave Mbrojtëse të Kosovës dhe ish-Ushtrisë Çlirimtare të Kosovës. Po kështu, sipas zotit Kuçi, qeveria e Kosovës do të ftojë për pjesëmarrje edhe oficerë të NATO-s.

Ceremonitë e tjera janë Akademia Solemne dhe një koncert i Filarmonisë së Kosovës, homazhe në varrezat e dëshmorëve në gjithë Kosovën, koncerti i pavarësisë në sheshin Nënë Tereza dhe seanca solemne e Kuvendit.

Pjesë e festimeve për Ditën e Pavarësisë do të jetë edhe shënimi i Përvjetorit të Themelimit të Universitetit të Prishtinës. Ky aktivitet do të koordinohet me Rektoratin e Universitetit të Prishtinës.

Ceremoni festive do të organizohen edhe në të gjitha komunat e Kosovës, ndërsa ambasadat e Kosovës në botë do të organizojnë pritje për nder të Ditës së Pavarësisë.

Për të gjitha këto është dakorduar në takimin e parë të Këshillit Organizativ, në të cilin morën pjesë ministri i FSK-së, ministri i Kulturës, përfaqësues nga Presidenca, Kuvendi, komuna e Prishtinës, rektori i Universitetit të Prishtinës, zëvendësministri i Jashtëm dhe përfaqësues nga Protokolli i Shtetit. / Top Channel







Më shumë nga Kosova
Kosovë, përballja në Kushtetuese
Partitë parlamentare në Kosovë i kanë bërë të gjitha përgatitjet për ballafaqimin, që do të zhvillojnë këtë të enjte në seancën dëgjimore në Gjykatën Kushtetuese, për zgjedhjen e kontestuar të kryeparlamentarit kosovar.
OEK kundër rritjes së energjisë
Oda Ekonomike e Kosovës ka reaguar ndaj paralajmërimit për ngritjen e çmimit të energjisë elektrike, duke thënë se një masë e tillë do të reflektojë negativisht në ekonominë e Kosovës dhe se është goditje për sektorin privat.
Seminari i albanologjisë në Kosovë
Të hënën në Prishtinë është mbajtur ceremonia e hapjes së edicionit të 33-të të Seminarit të Gjuhës, Letërsisë dhe Kulturës Shqiptare, duke shënuar edhe 40-vjetorin e themelimit të këtij seminari.
“Jo qeverisjes gjithëpërfshirëse”
Kur kanë mbetur vetëm tre ditë nga mbajtja e seancës dëgjimore në Gjykatën Kushtetuese, koalicioni paszgjedhor i përbërë nga LDK, AAK dhe Nisma refuzon idenë e Partisë Demokratike për krijimin e një qeverie gjithpërfshirëse.
Ndërron jetë akademiku Besim Bokshi
Ish-kryetari i Akademisë së Shkencave dhe Arteve të Kosovës, akademiku Besim Bokshi ka ndërruar jetë në moshën 83-vjeçare, në Gjakovë.


Top Channel 2001-2014
Ndalohet riprodhimi i paautorizuar i permbajtjes se kesaj faqeje.