18:32 Serial "Smash" R
19:30 Lajmet e Moti
Programi i plote
PUBLICITET
Gjyqi, Balla-Malltezi, përplasje në distancë
15/01/2013

Deputeti Taulant Balla ka deklaruar fill pas shtyrjes së procesit gjyqesor në ngarkim të tij, ku është i paditur nga Jamarbër Malltezi, se Gjykata e Tiranës është kthyer në një ankesë të oborrit të Kryeministrit. Për shkak edhe të mungesës së paditësit në proces, Balla ripërsëriti edhe njëherë tjetër akuzat ndaj tij.

"Erdha sot në Gjykatën e dhëndrit të vajzës së vjehrrit Kryeministër, por nuk e gjeta paditësin. Sigurisht nuk kam asnjë iluzion te kjo ndërtesë, e cila tashmë është kthyer në një aneks të kuzhinës së Saliut,por kjo nuk do të thotë që ne do të heshtim dhe nuk do të vazhdojmë të denoncojmë e të kërkojmë shpjegime nga ky pushtet, për rryshfetet shumë milionëshe që merr", tha Balla.

Deputeti i PS-se, tha se nuk do
Kjo ndërtesë do t'i kthehet shumë shpejt drejtësisë, kjo ndërtesë do t'i kthehet publikut dhe atëherë dhëndri, vajza dhe djali i Kryeministrit do të japin shpjegime për gjithcka ne kemi kërkuar

Taulant Balla
te heqe dore nga akuzat per familjen e Kryeministrit. "Kjo ndërtesë do t'i kthehet shumë shpejt drejtësisë, kjo ndërtesë do t'i kthehet publikut dhe atëherë dhëndri, vajza dhe djali i Kryeministrit do të japin shpjegime për gjithcka ne kemi kërkuar", tha Balla.

Ne padine e ngritur nga zoti Malltezi ndaj deputetit të PS-se kerkohet shperblimi nen akuzen e shpifjes me 2 milione leke. Pavaresisht se kerkese padia ka gabime ortografike, ne te thuhet se, fraza shpifese, eshte “Jamarber Malltezi po gllaberon pronat e Shqipërisë dhe shqiptarëve”.

Malltezi: Avokati im ishte në gjykatë
Deklaratat e Ballës, shpifja e radhës

Dhëndri i kryeministrit Berisha, Jamarbër Malltezi ka reaguar duke i cilësuar deklaratat e deputetit Taulant Balla si një shpifje të radhës, tek e cila sipas tij nuk ka qoftë edhe një të vërtetë.

Sipas zotit Malltezi, përfaqësuesi i tij ligjor ka qenë sot në gjykatën e Tiranës, ndryshe nga çfarë pretendohet nga zoti Balla dhe kjo sipas tij mund të verifikohet edhe në faqen zyrtare të këtij institucioni.

Seanca, theksohet më tej, është zhvilluar normalisht dhe deputeti socialist është njohur zyrtarisht me padinë për shpifje.

“Pjesëmarrja e përfaqësuesit ligjor në proçes mund të verifikohet nga kushdo, edhe në proçes-verbalin e seances, i cili afishohet në faqen e internetit të gjykatës”, vijon në deklaratë zoti Malltezi.

Sipas tij, deputeti Balla ka qenë prezent së bashku me avokatin e tij dhe është përballur me avokatin e tij dhe për rrjedhojë është fare i ndërgjegjshëm për gënjeshtrën qe artikulon para shqiptarëve.

/ Top Channel







Më shumë nga politika
Reforma, Dule takon Venizelos
Ashtu siç kishte paralajmëruar, kryetari i Partisë për të Drejtat e Njeriut, Vangjel Dule pati një takim me ministrin e Jashtem grek, Evangjelos Venizelos, ku temë e bisedimeve nuk mund të ishte tjetër veçse reforma territoriale në Shqipëri.
Shtyhet votimi për ligjin e KLD-së
Mungesa e deputetëve në sallë ka shtyrë për në seancën e fundit të këtij sesioni parlamentar votimin për projekt-ligjin  e funksionimit të Këshillit të Lartë të Drejtësisë.
Miratohet ligji për aftësinë e kufizuar
Në mungesë të deputetëve të opozitës, është miratuar nga Parlamenti ligji kuadër për aftësinë e kufizuar, që, sipas ministrit të Mirëqenies Sociale, nuk i heq të drejtat askujt, por shton kategoritë e përfituesve, si fëmijët autikë, daën, e grupe të tjera me aftësi të kufizuara.
Drejtësia, PD thërret Arvizun
Shtetet e Bashkuara të Amerikës përkrahin qëndrimin e Bashkimit Europian se reforma në drejtësi duhet të jetë gjithëpërfshirëse, e plotë dhe në konsultim me të gjithë aktorët.
Basha: Nuk e pranojmë reformën e pensioneve
Lulzim Basha, kreu i Partisë Demokratike, deklaroi se opozita nuk do të pranojë në asnjë mënyrë reformën e pensioneve që ka programuar qeveria.


Lajmet kryesore

Gjyqi, Balla-Malltezi, përplasje në distancë
Supervjedhja në bankën e shtetit
Punonjësit e “magazinës” së parave stok zhdukin në disa vjet 600 milionë lekë
Shtyhet votimi për ligjin e KLD-së
Drejtësia, PD thërret Arvizun
Reforma, Dule takon Venizelos
Tregtarët protestojnë para Kuvendit
Trajnimi për kontrollin e sëmundshmërisë
Më të lexuarat
Temat e ditës
Lindja e Mesme, Reforma territoriale, Tragjedia ajrore, Ukraina, Drejtësia, Kriza Financiare
Top Channel 2001-2014
Ndalohet riprodhimi i paautorizuar i permbajtjes se kesaj faqeje.