00:05 Serial "Dashuri e Hakmarrje"
01:00 Lajme e Moti
Programi i plote
PUBLICITET
BE, themelohet policia informatike
15/01/2013 15:50

BE, themelohet policia informatike
Është krijuar në fshehtësi, ashtu siç u leverdis forcave speciale të sigurisë, qendra e re policore evropiane kundër krimit informatik.

Qendra në fjalë ka bërë hapat e para më 11 janar të këtij viti, kur inauguroi zyrtarisht selinë e saj në Hagë të Holandës. Kjo strukturë do të jetë një nga pikat nevralgjike ku do të luftohet lufta dixhitale.

European CyberCrime Center, ose EC3, është arma mbrojtëse që Bashkimi Evropian ka vënë përballë krimeve që kryhen përmes internetit.

Në hetimet e saj do të përfshihen si krimet që godasin përdoruesit e thjeshtë, ashtu edhe operacionet më të sofistikuara që çorodisin sistemet e bankave, institucioneve të tjera, apo përdoren për qëllime kriminale.

Rëndësia e sigurisë informatike është trajtuar shpesh herë në organet e Komisionit Evropian dhe ishte konsideruar si prioritet nga Neelie Kroes, komisioner për Axhendën Dixhitale.

EC3 përbëhet nga 43 ekspertë të sigurisë që do të merren me kontrollin e rrjetit për të mbrojtur interesat e përdoruesve, privatë apo shtetërorë, dhe për të shkatërruar organizatat kriminale që përdorin metodat anonime dhe të kriptuara për të komunikuar online.

Puna e kësaj policie informatike do të koordinohet nga Troels Orting, shef i policisë daneze dhe me një eksperiencë të gjatë në njësinë e antikrimit teknologjik. / Top Channel











Lajmet kryesore

BE, themelohet policia informatike Armët e Shqipërisë mbërrijnë në Irak
Ngarkesa e parë u transportua me një avion ushtarak kanadez
Arrestohen edhe 7 punonjës të BSH-së
Rama: Mundësi të mëdha për rajonin
Rrëzohen të gjitha dekretet e Presidentit
“Na qëlloi një burrë me uniformë serbe”
Hetimet për atentatin me eksploziv
Më të lexuarat
Temat e ditës
Ukraina, Vjedhja e Bankës, Aksioni anti-droge, Lindja e Mesme, Vrasje, Arsimi, Siria
Top Channel 2001-2014
Ndalohet riprodhimi i paautorizuar i permbajtjes se kesaj faqeje.