01:00 Lajme e Moti
01:33 Select R
Programi i plote
PUBLICITET
Sporti dëmton shëndetin
15/01/2013 16:30

Sporti dëmton shëndetin
Vrapim ne liqenin e Tiranes
Një studim i ri kontradiktor zbuloi se aktiviteti sportiv, ndryshe nga sa besohet botërisht, mund të jetë i dëmshëm për shëndetin.

Një studim i publikuar në gazetën “Plos One” analizoi të dhënat e pesë sporteve të ndryshme, të praktikuar nga 1 687 amatorë në mënyrë të përditshme, duke analizuar ndikimin shumëvjeçar të stërvitjes mbi zemrën dhe disa parametra të tjerë shëndetësorë.

Rezultatet turbulluan komunitetin shkencor, duke kundërshtuar të dhënat e pranuara botërisht se sporti është në dobi të shëndetit në çdo rethanë.

Në bazë të anketimit të ri u arrit në përfundimin se stërvitja intensive ndikon që në 10% të njerëzve të rritet presioni i gjakut, niveli i kolesterolit dhe të çrregullohet niveli i sheqerit, duke ekspozuar organizmin nga rreziku i infarktit dhe diabetit.

“Nuk ka një shpjegim të qartë për ndikimin që ka sporti mbi një pjesë të vogël të popullsisë, por këto nuk janë shenja pozitive”, deklaroi Claude Bouchard, një autor i studimit dhe profesor i gjenetikës dhe ushqimit në Universitetin Shtetëror të Luizianës.

Një sasi e përditshme ushtrimesh aerobike, vrapimet e gjata si maratona dhe sforcimi i vazhdueshëm me sporte komplekse dhe rraskapitëse si trialtoni janë ato që prodhojnë rezultatet me të këqija për shëndetin e njeriut. / Top Channel








Sondazh

Sa shpesh praktikoni aktivitete sportive?


Duke llogaritur rezultatet. Ju lutem prisni...




Lajmet kryesore

Sporti dëmton shëndetin
Rritet shifra e vjedhjes në BSH
Hetimet, sekret i fortë shtetëror, përfshijnë të gjithë nivelet e Bankës Qendrore
Vjedhja e bankës së shtetit
Paditet penalisht Ndrea Prendi
Dialog i ri Shqipëri-Itali
PD: Policia dhunon familjen dhe pronën e saj
Mbështetja e agro-përpunimit
Më të lexuarat
Temat e ditës
Ukraina, Lindja e Mesme, Vrasje, Reforma territoriale, Drejtësia, Siria, Trafiku i droges, Integrimi
Top Channel 2001-2014
Ndalohet riprodhimi i paautorizuar i permbajtjes se kesaj faqeje.