19:30 Lajmet e Moti
20:17 "Fiks Fare"
Programi i plote
PUBLICITET
Berisha: Luftë krimit në institucione
15/01/2013 19:00

Kryeministri Sali Berisha i kërkoi prokurorit të pergjithshëm, shefit të Shërbimit Informativ Shtetëror, Policisë së Shtetit dhe të gjitha agjencive të tjera të zbatimit të ligjit të nisin brenda vetes luftën me krimin e organizuar.

Në mbledhjen e Komitetit ndërinstitucional për masat kudnër krimit të organizuar, trafiqeve dhe terrorizmit, kryeministri kërkoi zbatimin e modelit të shpallur nga kryeprokurori i ri.

“Prokurori i përgjithshëm i vendit nisi detyrën e tij me një moto, të cilën unë e konsideroj jetike për suksesin e punës në secilën nga agjencitë tuaja. Ai e shpalli publikisht: do të luftoj lidhjet me krimin në institucionin tim. Në qoftë se nuk plotësojmë këtë kusht, suksesin do ta ketë
Prokurori i përgjithshëm i vendit nisi detyrën e tij me një moto: do të luftoj lidhjet me krimin në institucionin tim. Në qoftë se nuk plotësojmë këtë kusht, suksesin do ta ketë krimi dhe jo ne

Sali Berisha
Kryeministër i Shqipërisë
pala tjetër, do ta ketë krimi dhe jo ne”, deklaroi Berisha.

Kryeministri i kërkoi ministrit të Financave të marre nga Fondi Monetar Ndërkombëtar të dhënat që ka përdorur organizata Global Financial Integrity, sipas të cilës kanë dalë jashtë Shqipërisë 1.3 miliardë dollarë në formën e parave të pista.

“Ne jemi vend anëtar dhe Fondi Monetar Ndërkombëtar, gjykoj unë, është i detyruar t’u japë shteteve anëtare të dhëna të tilla. Por këtu, prokurori i përgjithshëm, Agjencia e Luftës kundër Larjes së Parave, Policia Kriminale duhet të përdorin të gjitha lidhjet e tyre në ndjekje të këtyre shumave. Kush qëndron pas tyre dhe nga vijnë. Ka pasur raste të qarta si kristali, kur prokurorë pa asnjë hetim, pa as edhe një orë hetim i kanë kthyer përgjigje autoritetit shtetëror të Luftës kundër Larjes së Parave se nuk kemi të bëjmë me larje parash. Nuk ka mbrojtje më të shkëlqyer se kjo”, nënvizoi Berisha.

Shefi i qeverisë u kërkoi agjencive të zbatimit të ligjit të mos e dobësojnë punën për shkak të fushatës elektorale, pasi sipas tij, sa më mirë të funksionojë ligji, aq më të mira do të jenë edhe zgjedhjet.

“Pavarësisht nga fushatat, ju duhet të përqendroheni me vendosmërinë më të madhe për “zero tolerancë” ndaj krimit të organizuar. Jam i bindur se kjo është kërkesë e të gjitha forcave politike të vendit dhe e të gjithë qytetarëve. Ata duhet të shohin partitë në mitingje, ndërsa institucionet në funksionim të plotë, në interesin më të mirë të qytetarëve”, shtoi Berisha. / Top Channel



Facebook


Më shumë nga politika
“Të shqyrtohen 100 vendime gjyqësore”
Ministri i Brendshëm Saimir Tahiri i ka dërguar sërish një letër Presidentit të Republikës, ku i kërkon shqyrtimin e më shumë se 100 vendimeve gjyqësore, të cilat kanë liruar nga akuzat persona me rrezikshmëri për rendin dhe sigurinë publike në vend.
ILDKP, jo më kompetencë e Presidentit
Me propozimin e disa deputetëve socialistë, mazhoranca i hoqi Presidentit kompetencën për t'i propozuar Kuvendit kreun e Inspektoriatit të Deklarimit dhe Kontrollit të Pasurive të zyrtarëve të lartë dhe ia dha këtë kompetencë Kuvendit të Shqipërisë.
“Dështimi do dëmtojë Shqipërinë”
Nga Strasburgu, ku eurodeputetët u mblodhën për herë të fundit, ka shprehur keqardhjen për këtë dështim edhe kryetari i delegacionit për Ballkanin në Parlamentin Europian, Eduard Kukan.
Ushtria, vijojnë akuzat PD-PS
Mazhoranca dhe opozita kanë vijuar edhe të premten akuzat e ndërsjella përsa i përket përshirjes së supozuar të infrastrukturës së ushtrisë shqiptare në trafik droge.
Balla: Deklaratën e dështoi Berisha
Taulant Balla, si bashkëkryetar i Komitetit Parlamentar të Stabilizim-Asociimit Shqipëri-Bashkimi Europian, nëpërmjet një deklarate nga kryesia e Kuvendit akuzoi opozitën për mos miratimin e deklaratës së përbashkët në fund të takimit të shtatë Shqipëri-Parlament Europian.


Lajmet kryesore

Berisha: Luftë krimit në institucione
Të gjithë kritikojnë Gjyqësorin
Zaganjori: Zvarritje, vendime të padrejta… Naço: Gjyqtarët, jo sipas humorit të KLD
“Të shqyrtohen 100 vendime gjyqësore”
Balla: Deklaratën e dështoi Berisha
“Dështimi do dëmtojë Shqipërinë”
Basha: Do ketë destabilizim politik
ILDKP, jo më kompetencë e Presidentit
Më të lexuarat
Temat e ditës
Ukraina, Akuzat për ushtrinë, Reforma territoriale, Statusi, Irani, Eksplozivi
Top Channel 2001-2014
Ndalohet riprodhimi i paautorizuar i permbajtjes se kesaj faqeje.