10:30 TN "Guximi i nje gruaje" R
11:27 TF "100 vitrinat"
Programi i plote
PUBLICITET
Vilanova: -18 pikë? Unë do të kisha ikur
15/01/2013 19:20

Vilanova: -18 pikë? Unë do të kisha ikur
Ndonëse është duke u rikuperuar nga ndërhyrja për heqjen e një tumori në gjendat limfatike, trajneri i Barcelonës, Tito Vilanova, nuk i kursen thumbimet ndaj Jose Mourinhos për gjendjen e Realit të Madridit në kampionat.

“Nuk do ta përjashtojmë Realin si rival deri në momentin kur do të kemi fituar matematikisht titullin, por kam të qartë që nëse do të ishim ne 18 pikë pas tyre, unë nuk do të isha më trajneri i Barcelonës. Megjithatë, askush nuk mund të më sigurojë që ne nuk do të humbim 18 pikë apo më shumë në fazën e dytë dhe Reali të fitojë çdo ndeshje, prandaj titulli nuk është ende i fituar”, deklaroi Vilanova, në një intervistë për të përditshmen “AS”.

I pyetur për tripletën, trajneri katalanas përjashtoi që të jetë duke fiksuar me realizimin e kësaj arritje. “Nuk e mendoj tripletën dhe këtë jua them sinqerisht. E para që dua të arrij është të fitojmë titullin. Champions ka ende shumë rivalë të fortë deri në fund dhe më pëlqen t’i shohim gjërat hap pas hapi”.

Trajneri i Barcelonës komentoi edhe mundësinë e rikthimit të paraardhësit të tij, Josep Guardiola, në futbollin e luajtur. “Mendoj se është një lajm i shkëlqyer për futbollin, aq më tepër pasi Guardiola do të rikthehet i freskët dhe me ide të reja. Unë jam i sigurt që kudo që të shkojë do të bëjë një punë të mirë”, komentoi Vilanova. / Top Channel









Lajmet kryesore

Vilanova: -18 pikë? Unë do të kisha ikur
Dorëhiqet ministri Ilirian Celibashi
“Për arsye familjare”. Në vend të tij Rama prezanton Ermonela Felajn
Rama: Reforma, edhe me opozitën
OMONIA: Të ngrijnë dorëheqjet
Basha: Nuk e njohim ndarjen e re
SHBA, Arvizu “mbetet” në Tiranë
Braçe: Fullani të largohet
Më të lexuarat
Temat e ditës
Reforma territoriale, Vjedhja e Bankës, Lindja e Mesme, Energjia, Tragjedia ajrore, Turizmi, Ukraina
Top Channel 2001-2014
Ndalohet riprodhimi i paautorizuar i permbajtjes se kesaj faqeje.