23:45 Serial "Dashuri e Hakmarrje" R
00:43 Pas Cak
Programi i plote
PUBLICITET
Mandatet, sherr në KQZ
15/01/2013

Shpërndarja e mandateve të deputetëve ka kthyer sallën e Komisionit Qendror të Zgjedhjeve në arenën e përplasjeve të forta dhe mungesës së zgjidhjeve.

Situata precipitoi pasi dy anëtarët e opozitës, Denar Biba dhe Albana Shtylla, propozuan proçedim disiplinor për sekretaren e përgjithshme të KQZ-së, Aljona Mansaku, që pak ditë më parë iu drejtua përmes një letre Kuvendit, ku i kërkonte të mbyllte ai këtë çështje në mungesë të zgjidhjes në KQZ, duke i bashkangjitur ndarjen e vitit 2009.

Tejkalimi i kompetencave të saj, si një detyrim që kodi ia njeh vetëm kryetares dhe nënkryetarit të KQZ-së dhe përse është orientuar Kuvendi të lërë në fuqi ndarjen e deputetëve sipas vitit 2009, ishin çështjet e ngritura nga opozita.

“Me autorizim të kryetares është përpunuar informacioni që përmban vetëm fakte dhe nuk ka asnjë interpretim ligjor që të orientojë Kuvendin”, deklaroi Mansaku.

Për këtë çështje anëtarët e opozitës nuk u lejuan të flasin nga kryetarja e KQZ-së Lefteri Lleshi. Duke e cilësuar të turpshme situatën në KQZ, anëtarët më të vjetër të tij kërkuan ndërprerje të mbledhjes, gjatë së cilës përfaqësuesit e opozitës në institucionin më të lartë zgjedhor thanë për mediat se sjellja antiligjore për mandatet ka vetëm prapavijën e interesave politike.

“Nuk mundet që mandatet për zgjedhjet e vitit 2013 të ndahen në bazë të popullsisë së vitit 2009. Popullsia në vitin 2013 ka ndryshuar. Nëse do aplikohej popullsia e 2009-ës, atëherë do ishte një ndarje antikushtetuese e mandateve. Nëse një deputet do zgjidhej nga 30 mijë qytetarë të Tiranës, në Kukës do zgjidhej nga 10 mijë, që do të thotë se vota në Kukës vlen sa 3 vota në Tiranë”, tha nënkryetari i KQZ, Denar Biba.

Të njëjtin qëndrim mbajti edhe PS përmes Genc Gjocaj. Ndërsa demokratët përmes Njazi Kosovrastit u treguan të rezervuar. Ai vetëm akuzoi socialistët se e ezauruan pa rezultat në KQZ mundësinë për të bërë një ndarje të re të mandateve.

Por nga ana tjetër, ai shmangu deklarimin nëse për PD është apo jo ligjore lënia në fuqi e konfigurimit të deputetëve sipas zgjedhjeve të shkuara.

Debati nuk prodhoi asnjë zgjidhje, duke përforcuar perceptimin se kjo KQZ, nëse s’do të mbahet dot mend për një administrim të mirë të proçesit zgjedhor, me siguri nuk do të harrohet për tensionin e lartë dhe shoën e dhënë vetëm në pak kohë nga ngritja e saj.

KQZ miratoi vendimin për ndarjen e parave që jep shteti për partitë politike në zgjedhje. Partia Demokratike do të marrë mbi 83.5 milionë lekë, PS mbi 80.6 milionë, LSI rreth 11.7 milionë, PDIU rreth 7.7 milionë, PBDNJ gati 8 dhe Partia Republikane mbi 8.1. Nga  kjo skemë nuk përfiton partia Fryma e Re Demokratike. / Top Channel







Më shumë nga politika
PD-ja denoncon marrëveshjen me CEZ-in
Partia Demokratike nisi serinë e publikimit të disa dokumentave që faktojnë sipas saj se qeveria ka dëmtuar rëndë interesat e vendit kur u tërhoq nga arbitrazhi ndërkombëtar dhe u angazhua me një marrëveshje që të dëmshpërblejë me 95.5 milionë euro kompaninë çeke CEZ.
Braçe: Fullani të largohet
Kryetari i Komisionit parlamentar të Ekonomisë, Erjon Braçe, deklaroi se personalisht mbështet largimin e guvernatorit Fullani nga drejtimi i Bankës së Shqipërisë.
OMONIA: Të ngrijnë dorëheqjet
Kryesia e OMONIA-s i rekomandoi sot PBDNJ-së të ngrijë zyrtarizimin e dorëheqjeve të përfaqësuesve të saj në poste të larta qeveritare deri në mbledhjen e Këshillit të Përgjithshëm Drejtues të OMONIA-s dhe PBDNJ-së, ku do të vendoset për të ardhmen e bashkëpunimit me koalicionin qeverisës.
Rama: Reforma, edhe me opozitën
Më pak se 24 orë nga votimi në parlament i reformës territoriale ku votat e PDIU-së së Shpëtim Idrizit ishin vendimtare, Kryeminisri Edi Rama deklaroi se kjo reformë tashmë është votuar edhe me votat e opozitës.
Arrestohet i nënti për vjedhjen e bankës
Ka rënë në prangat e policisë, për llogari të hetimeve të prokurorisë mbi vjedhjen më të madhe të Bankës së Shqipërisë, edhe i nënti i dyshuar se mund të ketë shpërdoruar detyrën.


Lajmet kryesore

Mandatet, sherr në KQZ Dorëhiqet ministri Ilirian Celibashi
“Për arsye familjare”. Në vend të tij Rama prezanton Ermonela Felajn
Rama: Reforma, edhe me opozitën
OMONIA: Të ngrijnë dorëheqjet
Basha: Nuk e njohim ndarjen e re
SHBA, Arvizu “mbetet” në Tiranë
Braçe: Fullani të largohet
Më të lexuarat
Temat e ditës
Reforma territoriale, Vjedhja e Bankës, Lindja e Mesme, Ukraina, Energjia, Tragjedia ajrore, Turizmi
Top Channel 2001-2014
Ndalohet riprodhimi i paautorizuar i permbajtjes se kesaj faqeje.