08:07 Serial "Rregullat e Lojes"
09:00 Lajme e Moti
Programi i plote
PUBLICITET
Bylykbashi: Për mandatet vendos Kuvendi
15/01/2013 20:00

Shefi i kabinetit të kryeministrit Berisha, Oerd Bylykbashi, bashkëhartues i Kodit Elektoral dhe një nga njerëzit kyç të demokratëve në proçeset zgjedhore, thotë se është Kuvendi i Shqipërisë institucioni i vetëm që duhet të vendosë tani për ndarjen e mandateve për zgjedhjet e qershorit.

Duke ndarë një opinion krejt të kundërt me socialistët, sipas të cilëve KQZ-ja ka kohë deri në 7 mars, zoti Bylykbashi thotë se Kodi Zgjedhor e përcakton këtë afat për Parlamentin.

“Aspektet proçedurale të KQZ janë kryer dhe përmbyllur. KQZ nuk ka më asnjë kompetencë tjetër në këtë fazë. Mundësia për ta zhbllokuar ishte nëpërmjet Kolegjit Zgjedhor, por askush nuk u ankua, as PS dhe tani fjala është vetëm e Kuvendit për të ushtruar sovranitetin e
KQZ nuk ka më asnjë kompetencë tjetër në këtë fazë. Mundësia për ta zhbllokuar ishte nëpërmjet Kolegjit Zgjedhor, por askush nuk u ankua, as PS dhe tani fjala është vetëm e Kuvendit për të ushtruar sovranitetin e tij

Oerd Bylykbashi
Shef i kabinetit të kryeministrit
tij. Por nuk më takon mua të them çfarë do të bëjë Kuvendi. Ajo që është më e rëndësishme është që Kuvendi ta ushtrojë, pra të mos pengohet qoftë nga një parti politike, qoftë nga 2-3 anëtarë të KQZ, pra nga askush. Kompetenca është e tij, sovraniteti është i tiji dhe çdo gjë tjetër do të ishte atentat ndaj Kushtetutës”, deklaron Bylykbashi.

Sipas shefit të kabinetit të kryeministrit, me keqinterpretimin e Kodit Zgjedhor, Partia Socialiste po fakton çdo herë strategjinë e saj të bllokimit, edhe në KQZ, për të marrë përfitime ekstraligjore.

“Ne jemi përpara një sulmi arrogant. Dhe është gjithashtu e papranueshme tentativa e Partisë Socialiste për të zëvendësuar ligjin, Kodin, Kushtetutën dhe rregulla të tjera të shkruara në këtë vend me kompromise politike pas dyersh të mbyllura”, nënvizon Bylykbashi.

Oerd Bylykbashi thotë se veprimet e Partisë Socialiste për të politizuar dhe bllokuar Komisionin Qendror të Zgjedhjeve kanë vetëm një shpjegim, që sipas tij nuk ka lidhje me standartin e zgjedhjeve, por me rezultatin e tyre.

“Në këto pretendime të kohëve të fundt të Partisë Socialiste konstatoj një frikë gjithmonë e në rritje të saj jo për shkeljen e standarteve apo cënimin e zgjedhjeve, por një frikë të PS për humbjen që po vjen”, shton Bylykbashi. / Top Channel







Më shumë nga politika
PD-ja denoncon marrëveshjen me CEZ-in
Partia Demokratike nisi serinë e publikimit të disa dokumentave që faktojnë sipas saj se qeveria ka dëmtuar rëndë interesat e vendit kur u tërhoq nga arbitrazhi ndërkombëtar dhe u angazhua me një marrëveshje që të dëmshpërblejë me 95.5 milionë euro kompaninë çeke CEZ.
Braçe: Fullani të largohet
Kryetari i Komisionit parlamentar të Ekonomisë, Erjon Braçe, deklaroi se personalisht mbështet largimin e guvernatorit Fullani nga drejtimi i Bankës së Shqipërisë.
OMONIA: Të ngrijnë dorëheqjet
Kryesia e OMONIA-s i rekomandoi sot PBDNJ-së të ngrijë zyrtarizimin e dorëheqjeve të përfaqësuesve të saj në poste të larta qeveritare deri në mbledhjen e Këshillit të Përgjithshëm Drejtues të OMONIA-s dhe PBDNJ-së, ku do të vendoset për të ardhmen e bashkëpunimit me koalicionin qeverisës.
Rama: Reforma, edhe me opozitën
Më pak se 24 orë nga votimi në parlament i reformës territoriale ku votat e PDIU-së së Shpëtim Idrizit ishin vendimtare, Kryeminisri Edi Rama deklaroi se kjo reformë tashmë është votuar edhe me votat e opozitës.
Arrestohet i nënti për vjedhjen e bankës
Ka rënë në prangat e policisë, për llogari të hetimeve të prokurorisë mbi vjedhjen më të madhe të Bankës së Shqipërisë, edhe i nënti i dyshuar se mund të ketë shpërdoruar detyrën.


Lajmet kryesore

Bylykbashi: Për mandatet vendos Kuvendi Dorëhiqet ministri Ilirian Celibashi
“Për arsye familjare”. Në vend të tij Rama prezanton Ermonela Felajn
Rama: Reforma, edhe me opozitën
OMONIA: Të ngrijnë dorëheqjet
Basha: Nuk e njohim ndarjen e re
SHBA, Arvizu “mbetet” në Tiranë
Braçe: Fullani të largohet
Më të lexuarat
Temat e ditës
Reforma territoriale, Vjedhja e Bankës, Lindja e Mesme, Tragjedia ajrore, Ukraina, Energjia, Turizmi
Top Channel 2001-2014
Ndalohet riprodhimi i paautorizuar i permbajtjes se kesaj faqeje.