20:56 Muzikal "Te Mjeret"
23:30 Lajme e Moti
Programi i plote
PUBLICITET
Finalja e “The Voice of Albania”
24/01/2013 23:30

Nata finale e spektaklit më të ndjekur muzikor në Shqipëri, “The voice of Albania”, në të cilën do të përzgjidhet edhe fituesi i edicionit të dytë të këtij “talentshow”, do të shënojë fundin e një rrugëtimi sa të bukur, aq edhe emocional, i cili ka zgjatur plot 17 javë.

Publiku do të mund të ndjekë në një transmetim live nga ekrani i Top Channel, të premten mbrëma, përfundimin e kërkimit për zërin më të mirë të shqiptarëve.

“Do të ishte shumë bukur, nëse do ta fitoja, por përderisa jam në finale, nuk besoj se ka gjë më të bukur”, u shpreh Jozefina.

“Shpresojmë të japim më të mirën tonë, të paktën në atë që ne dimë të bëjmë, sepse kemi punuar shumë dhe dua t’ua kthej me të mirë trajnerëve dhe Top-it. Uroj të depërtojmë deri te publiku dhe t’i kënaqim edhe ata”, tha Venera.

“Pres të kënaqem në maksimum, të bëj atë që më së miri di të bëj, të këndoj”, ishin fjalët e Matejit.

“Do mundohem t’i shijoj në maksimum të gjitha performancat, që do të jenë njëra më e mirë se tjetra, secila më e veçantë se tjetra”, deklaroi Mjellma.

Sipas producentit të spektaklit, Rezart Aga, nuk do të mungojnë surprizat, por edhe performancat më të mira të 4 finalistëve, Mateji, Venera, Mjellma dhe Jozefina.

“Për ne tani është një përgjegjësi shumë e madhe, duke menduar që në 16 javë u janë ofruar publikut talente të jashtëzakonshme, performanca të jashtëzakonshme dhe një punë e jashtëzakonshme. Do të thoja se për natën finale, padiskutim që do të duhet përqendrim dhe besoj se të gjithë, bashkë me stafin, do të punojmë për një natë gati të paharrueshme. Do të ketë larmi edhe në performanca, besoj se publiku do të shohë në skenë të tilla, ndoshta të pandodhura ndonjëherë në skenat shqiptare. Secili nga trajnerët do të performojë me të përzgjedhurin e tij, një duet shumë të bukur të secilit prej tyre. Do kemi materiale të paprezantuara ndonjëherë. Miriami vjen me një material të ri, të kompozuar enkas për natën finale”, tha Rezart Aga, producent i “The Voice of Albania”.

Do të jetë publiku, ai që do të vendosë edhe fituesin me anë të televotimit, duke finalizuar kështu punën e palodhur të 4 trajnerëve dhe përpjekjet e shumta të të gjithë pjesëmarrësve.

“Shijoni natën finale, shijoni një spektakël që vërtet do të jetë i mrekullueshëm dhe mbi të gjitha, bëhuni pjesë e këtij televotimi. Është momenti i vërtetë i publikut, i cili do të vendosë për zërin më të mirë të këtij edicioni të dytë”, përfundoi Rezart Aga.

Fituesi do të lidhë gjithashtu një kontratë dy-vjeçare me kompaninë e njohur në rang botëror “Universal Music”. / Top Channel







Më shumë nga muzika
“Loca” e Shakirës rezulton e vjedhur
Një gjykatës në Nju Jork ka dalë në përfundimin se një nga hitet e Shakirës ka shkelur ligjet e të drejtat e autorit, pasi në mënyrë jo të drejtpërdrejt ka kopjuar këngën e një kompozitori tjetër.
“Summer Fest 2014” ul siparin
Edicioni i 3-të i “Summer Fest 2014” është mbyllur mbrëmjen e së enjtes në qytetin bregdetar të Durrësit. Me mijera njerëz, qytetarë durrsakë dhe pushues të grupmoshave të ndryshme, kanë ndjekur për rreth 3 orë spektaklin veror në shëtitoren “Taulantia”.
JLo i dedikon një hit të pasmeve të saj
Ajo shquhet si femra me fundshpinën më seksi në botën e muzikës.
Jessie J tregon të brendshmet në skenë
Duket se edhe Jessie J po ndjek shembullin e Miley Cyrus. Gjatë një koncerti ditën e premte, këngëtarja britanike i ofroi publikut jo vetëm muzikën e saj, por edhe mundësinë për t’i parë të mbathurat.
Florenti: The Voice, ndjesi e papërshkrueshme!
Florent Abrashi, djali 25-vjeçar nga Gjakova, fituesi i The Voice of Albania 3 ka ndarë me dëgjuesit e emisionit “Lanco” në Top Albania Radio, eksperiencën e tij në The Voice.


Lajmet kryesore

Finalja e “The Voice of Albania” Skema e Lazaratit në Veri të vendit
Pasi u qëllua me armë helikopteri, dërgohen forca shtesë në Dukagjin
Presidenti kthen ligjin për ndarjen e re
Pezullohen lejet e ndërtimit nga Vendorët
PDK përshëndet vendimin e gjykatës
PS nuk i ndahet dorëheqjes së Bashës
Basha: Oligarkia ka marrë peng vendin
Më të lexuarat
Temat e ditës
Ukraina, Lindja e Mesme, Turizmi, Arsimi, Trafiku i droges, Energjia, Reforma territoriale
Top Channel 2001-2014
Ndalohet riprodhimi i paautorizuar i permbajtjes se kesaj faqeje.