01:33 Select R
03:00 Lajme e Moti
Programi i plote
PUBLICITET
“EULEX” zvarrit rastin “Kleçka”
01/02/2013 20:10

Brenda pak muajve, “Eulex”-i ka zëvendësuar pesë gjyqtarë, të cilët do të punonin për çështjet në të cilat është i akuzuar deputeti i Kuvendit të Kosovës, Fatmir Limaj.

Fillimisht, Kolegji i Gjykates Supreme, pas ankesës së prokurorisë ka përjashtuar trupin gjykues prej tre anëtarëve i cili kishte marre vendimin për lirimin e Fatmir Limajt dhe të tjerët nga akuzat për krime lufte në maj të vitit 2012.

Kjo ka pasuar zëvendësimin edhe të dy gjyqtarëve të tjerë, njëri i cili mori vendim për caktimin e masës së paraburgimit dhe tjetri për vazhdimin e saj deri me 24 shkurt.

Edhe arsyetimi për shtyrjen e seancës fillestare në rastin e Ministrisë së Transportit bëhet për shkak të zëvendësimit të gjyqtarit Vitor Hugo Pardal.

Në shkresën e “Eulex”-it, dërguar palëve thuhet se ata do te njoftohen me kohe rreth perberjes se re te trupit gjykues dhe orarin per seancen fillestare.

Kjo situatë bën që shqyrtimi kryesor në rastin “Kleçka” të vonohet ndërkaq deputeti Fatmir Limaj rrezikon të mbetet në burg edhe për tre muaj të tjerë.

Avokati Tomë Gashi tha se ndërrimi i pesë gjyqtarëve në faza të ndryshme tregon se “Eulex”-i nuk dëshiron të punoje në këto procese duke bërë shkelje të të drejtave të njeriut.

“As “Eulex”-i, as askush tjetër nuk ka të drejtë që të mbajë me muaj të tërë në paraburgim. Kjo është e rregulluar me dispozita ndërkombëtare për një gjykim të drejtë dhe me njoftimin e fundit që kemi marrë, me trupin gjykues që nuk është caktuar ende dhe duke llogaritur datat e lira, kjo çështje mund të shqyrtohen në data midis prillit dhe dhjetorit. Hipotetikisht, Limaj do të mbetet edhe për të paktën tre muaj të tjerë në burg dhe kjo është një shkelje e qartë e të drejtave të njeriut”, deklaroi Tomë Gashi, avokati mbrojtës.

Në një komunikim nëpërmjet internetit, “Eulex”-i nuk shpjegoi arsyet e zëvendësimit të gjyqtarëve e as për zvarritjen e fillimit të shqyrtimit kryesor në rastin “Kleçka”.

Megjithatë, paralajmëron se procesi do të nisë sapo avokatët të kthejnë përgjigje për datat e tyre në dispozicion.

Limaj dhe të tjerët akuzohen se gjatë vitit 1999 kanë kryer krime ndaj civilëve serbë e shqiptarë në shtabin e UÇK-së në Kleçkë. Rasti u kthye ne rigjykim pas ankeses së prokurorit të rastit ku Gjykata Supreme vendosi gjithashtu që provat e dëshmitarit IKS të shpallen të pranueshme. / Top Channel









Më shumë nga Kosova
Kosovë, xhihadistët blenë vizat italiane
Skandali i shitjes së vizave në ambasadën italiane në Prishtinë, ku ishte i përfshirë dhe djali i ish-presidentit Rugova, Ukë Rugova, ka marrë të tjera përmasa përtej Adriatikut, duke vënë në alarm forcat e policisë.
Rinas, arrestohet kosovari
Policia arrestoi në mbrëmje në aeroportin e Rinasit një shtetas kosovar, i cili dyshohet se do të udhëtonte në Siri.
“Na qëlloi një burrë me uniformë serbe”
Ardian Brahimi ka mbetur i vrarë, ndërsa dy vëllezërit e tij, Alberti dhe Albioni janë plagosur nga një serb me uniformë të ushtrisë serbe në malet e Kollodovës në Mitrovicë, brenda territorit kosovar.
Kosovë, vritet një shqiptar në Mitrovicë
Një person ka mbetur i vrarë ndërsa dy të tjerë të plagosur menëgjesin e së premtes në Kosovë, në një zonë malore që ndan Mitrovicën e veriut me atë të jugut.
Thaçi: Do vijojmë dialogun me Serbinë
Kryeministri i Kosovës, Hashim Thaçi ka deklaruar në Samitin e Berlinit se Prishtina zyrtare është e gatshme të vazhdojë bisedimet me Serbinë, të cilat sipas tij rezultuan vitin e kaluar me një marrëveshje historike mes dy popujve dhe dy vendeve pas 1 shekulli konflikt.


Lajmet kryesore

“EULEX” zvarrit rastin “Kleçka” Braçe akuzon sërish Fullanin
“Guvernatori gënjeu deputetët për inventarizimin fizik”
Ballkani, shpresë për fonde nga BE
PD sërish jashtë Kuvendit
Zbardhet lista anti-Portugali
Elbasani në emergjencë nga ndotja
Plazhet e ndotura nga ujërat e zeza
Më të lexuarat
Temat e ditës
Ukraina, Vjedhja e Bankës, Aksioni anti-droge, Vrasje, Irani, Siria
Top Channel 2001-2014
Ndalohet riprodhimi i paautorizuar i permbajtjes se kesaj faqeje.