Maqedonia në heshtje zgjedhore
23/03/2013 00:00
Ndihmëssekretari amerikan i Shtetit, O’Brien viziton sot Beogradin! Priten takime me krerët e shtetit 20/04 09:08
Të shtunën në Maqedoni ka hyrë në fuqi heshtja zgjedhore, pasi të
premten partitë politike përmbyllën fushatën elektorale që zgjati 20
ditë.
Kutitë e votimit për zgjedhjet lokale, hapen të dielën më 24 mars, në ora 7 të mëngjesit dhe mbyllen në ora 19:00. Rreth 1, 740, 000 qytetarë do të mund të votojnë në 2976 vendvotime për kryetar në 80 komuna dhe qytetin e Shkupit.Një ditë para zgjedhjeve, drejtën e tyre të votës në institucionet ndëshkuese-përmirësuese e kanë realizuar rreth 1500 votues.
Zgjedhjet do të vëzhgohen nga 8.400 vëzhgues vendor dhe 410 vëzhgues të huaj. Komisioni Shtetëror i Zgjedhjeve ka njoftuar se ka bërë gjithë përgatitjet për zgjedhjet, ndërsa materiali zgjedhor tashmë është vendosur te organet kompetente për zbatimin e tyre. Zgjedhjet e 24 marsit janë zgjedhjet e gjashta vendore në Maqedoni që nga pavarësimi i saj.
Top Channel
