09:16 Horoskopi
09:29 Serial "Pa kufij" R
Programi i plote
PUBLICITET
Rama kërkon votën e ish-ushtarakëve
05/04/2013

Partia Socialiste zhvilloi një takim me ish-ushtarakët të cilëve u kërkoi votën më 23 qershor për të rilindur atë që kreu i socialistëve, Edi Rama e quajti dinjiteti njerëzor.

“Vota është arma për të ndryshuar, ku nga njëra anë është investimi për atë që ke dhe nga ana tjetër është investimi për atë që nuk ke. Atë që ke e ke patur për tetë vjet dhe nuk ka lënë gjë pa bërë për të na bindur që është gënjeshtar. Ne kërkojmë votën për të rilindur shpresën dhe dinjitetin njerëzor. Këtu është dinjiteti njerëzor që ne duhet ta fillojmë duke e nisur nga e drejta për të folur.
Kupola e ushtrisë shqiptare është marrë peng nga njerëz që nuk kanë lidhje me interesat kombëtare dhe është kthyer në një zyrë hipoteke ku merren prona, hiqen prona, jepen prona, tjetërsohen prona

Edi Rama
Kryetar i Partisë Socialiste
Të flasësh dhe të dëgjohesh e jo të flasësh e të mos dëgjohesh sepse kjo nuk është liria e fjalës”, tha Rama.

Më tej duke u ndalur tek gjendja aktuale e ushtrisë shqiptare, kreu i socialistëve tha se forcat e armatosura janë të kapura nga një kupolë mafioze që kanë shndërruar zyrat në zyra hipoteke ku blihen, shiten e tjetërsohen pronat.

“Kupola e ushtrisë shqiptare është marrë peng nga njerëz që nuk kanë lidhje me interesat kombëtare dhe as me interesat e publikut shqiptar. Kupola e ushtrisë është kthyer në një zyrë hipoteke ku merren prona, hiqen prona, jepen prona, tjetërsohen prona”, shtoi Rama.

Rama u ndal edhe tek kriminaliteti në vend, që sipas tij është në shifra alarmante pasi strukturat e policisë janë të kapura nga krimi e korrupsioni dhe të paafta të reagojnë.

"Në 300 ditët e para të qeverisjes ne do t'i japim një imazh të ri Policisë së Shtetit. Policia është vizitore në vendin e krimit. Ne nuk do të bëjmë mrekullira, por do t’u japim të gjithë qytetarëve shtet”, mbylli fjalën e tij Rama.

Ish-ministri i Mbrojtjes, Pandeli Majko, tha se PS në qeverisje do të vijojë reformat e ndërprera nga PD, në ushtri dhe polici. “Të ringrihet ushtria dhe emri i saj atje ku ka qenë”, shtoi Majko.

/ Top Channel







Më shumë nga politika
PS nuk i ndahet dorëheqjes së Bashës
Partia Socialiste ka vijuar sërish akuzat ndaj kreut të Bashkisë së Tiranës, Lulzim Basha lidhur me ndërtimin e një pallati pranë Digës së Liqenit. Ka qenë sërish Ervin Bushati, ai që ka denoncuar këtë vendim të Bashkise duke rikërkuar dorëheqjen e Bashës.
Presidenti kthen ligjin për ndarjen e re
Ashtu siç pritej, presidenti i Republikës Bujar Nishani nuk ka dhënë pëlqimin për ligjin e ndarjes së re administrativo-territoriale. Kreu i shtetit e ka kthyer në Kuvend për rishqyrtim ndarjen e vendit në 61 bashki, duke e shoqëruar me shprehjen e keqardhjes për mospërmbushjen dhe mospërputhjen ligjore dhe kushtetuese të tij.
Pezullohen lejet e ndërtimit nga Vendorët
Qeveria ka pezulluar të gjitha lejet e ndërtimit deri në vitin 2015, kur nis edhe ndarja e re administrativo-territoriale e vendit. Nga mbledhja e Këshillit Kombëtar të Territorit, kryeministri Edi Rama tha se ky vendim synon frenimin e shkatërrimit të territorit si pasojë e lejeve barbare, siç u shpreh ai, të dhëna nga pushteti vendor.
Rama pret delegacionin e Bundestagut
Kryeministri Edi Rama priti të enjten në një takim delegacionin e Bundestagut, të kryesuar nga nënkryetari i tij, Johannes Singhammer.
Mundësitë e Konferencës së Berlinit
Shefi i diplomacisë shqiptare, Ditmir Bushati, në një intervistë për Top-Channel, e shikon Konferencën e Ballkanit në Berlin si një moment të rëndësishëm dhe specifik për proceset integruese, në një kohë kur perspektiva e anëtarësimit në Bashkimin Europian për rrethana historike, politike dhe aspekte strukturore se si funksionojnë shoqëritë në Ballkan, do të jetë një proces i gjatë dhe i vështirë.


Lajmet kryesore

Rama kërkon votën e ish-ushtarakëve
Dukagjin, identifikohet “grupi i zjarrit”
Policia publikon emrat e të dyshuarve si qëllues ndaj forcave të rendit. 100 mijë euro për këdo që ndihmon në kapjen e tyre
Presidenti kthen ligjin për ndarjen e re
Pezullohen lejet e ndërtimit nga Vendorët
PDK përshëndet vendimin e gjykatës
PS nuk i ndahet dorëheqjes së Bashës
LSI: Keqardhje për arsyetimin e Nishanit
Më të lexuarat
Temat e ditës
Ukraina, Reforma territoriale, Trafiku i droges, Lindja e Mesme, Arsimi, Turizmi
Top Channel 2001-2014
Ndalohet riprodhimi i paautorizuar i permbajtjes se kesaj faqeje.