15:35 Select
16:28 TF "100 vitrinat"
Programi i plote
PUBLICITET
Prezantohet Lotaria Kombëtare
10/04/2013 18:40

Prezantohet Lotaria Kombëtare
Lotaria Kombëtare, e shoqëruar me polemika të forta sa i përket tenderit që i dha kompanisë austriake “Austrian Lotteries” monopolin dhjetëvjeçar të lojrave të fatit, kundrejt çmimit simbolik 3.5 milionë euro, u prezantua sot zyrtarisht para publikut shqiptar.

Drejtuesit e kompanisë njoftuan se duke filluar nga kjo javë, çdo qytetar në moshë madhore mund të bëhet pjesë e Lotarisë Kombëtare, çka i jep shansin të fitojë një çmim deri në 10 milionë lekë.

Për të marrë pjesë në lojë, qytetarët mund të blejnë biletën që kushton 100 lekë në pikat e autorizuara të shitjes, të cilat mund të dallohen nga logoja e kompanisë.

Shorti do të transmetohet në televizion çdo të dielë, duke filluar nga data 21 prill. Për drejtorin ekzekutiv, Peter Simoner, në produktin “Loto 6 nga 39”, probabiliteti për të fituar çmimin 10 milionë lekë është 1 në 4 lojtarë.

Ndërsa zv.ministri i Financave, Alfred Rrushaj kërkoi transparencë në zbatimin e rregullave të lojës, që nga operimi deri tek shpërndarja e çmimeve.

Më tej Rrushaj theksoi se qeveria shqiptare i dha të drejtën e ushtrimit të këtij aktiviteti kompanisë austriake, për shkak të integritetit të saj të sprovuar në këtë biznes, që siç u shpreh ai, përbën rrezik nëse bie në duar që duan ta përdorin për qëllime jo të ligjshme.

Krahas aftësive teknike dhe financiare, Rrushaj vlerësoi edhe politikën e kompanise austriake për mbrojtjen e minorenëve dhe grupeve në nevojë në përgjithësi. / Top Channel









Lajmet kryesore

Prezantohet Lotaria Kombëtare Dorëhiqet Ministri Ilirian Celibashi
“Për arsye familjare”. Në vend të tij Rama prezanton Ermonela Felajn
Rama: Reforma, edhe me opozitën
PD: Ndarja e re, e papranueshme
Kapet i gjashti i vjedhjes së BSH
Grabitja në BSH, në dyshim besimi ndaj institucionit
FRD përshëndet reformën territoriale
Më të lexuarat
Temat e ditës
Reforma territoriale, Vjedhja e Bankës, Ukraina, Lindja e Mesme, Tragjedia ajrore, Energjia, Kriza Financiare, Reformat, Turizmi
Top Channel 2001-2014
Ndalohet riprodhimi i paautorizuar i permbajtjes se kesaj faqeje.