22:45 Top Show Magazine
00:15 Lajme e Moti
Programi i plote
PUBLICITET
E vërteta e të ardhurave në buxhet
18/04/2013

Kryeministri foli në mbledhjen e radhës së qeverisë edhe për gjendjen e financave publike. Duke referuar pjesërisht një raport të Komisionit Europian, zoti Berisha dha versionin e tij për gjendjen financiare të qeverisë.

Dy muajt e parë të vitit 2013, thotë, të ardhurat u rritën me 0.8 përqind, e vërteta është që në 3 muajt e parë të ardhurat janë rritur me mbi 3.5 përqind. Pra nëse trendi i 2012 ishte ulja, trendi i 2013 është rritja e qartë”, deklaroi Berisha.

Kryeministri është korrekt për shifrat e dymujorit të parë, që është dhe pjesa në të cilën i referohet raportit të komisionit europian. Në dy muajt e parë të vitit të ardhurat totale në buxhet ishin 49.96 miliardë lekë ose 0.8 për qind më të larta se një vit më parë. Kjo për shkak të rritjes së lartë në janar që erdhi jo nga taksat, por nga burimet e tjera me karakter të paqëndrueshëm si tarifat apo dhe fitimi i bankës së shqipërisë.

Por versioni i kryeministrit për shifrat e tremujorit, jo vetëm që nuk është korrekt, por jep një pasqyrë krejtësisht të përmbysur të realitetit. Top Channel i referohet të dhënave zyrtare që publikon vetë qeveria, përkatësisht ministria e financave, që është dhe autoriteti i vetëm zyrtar i njohur nga ligji për publikimin e treguesve fiskal në Republikën e Shqipërisë.

Sipas këtyre të dhënave, për tremujorin e parë të këtij viti, ardhurat totale të buxhetit ishin 75.5 miliardë lekë nga 78.5 miliardë që ishin në të njëtën periudhë të vitit të kaluar.  Sic duket qartë të ardhurat e buxhetit nuk janë rritur me 3.5 për qind sic deklaroi kryeministri, por kanë rënë me 3.8 për qind.

Ky është rezultati më i keq që nga viti 2009, kur vetëm për shkak të inflacionit të ardhurat duhet të ishin rritur minimalisht me 10 për qind krahasuar me tre vjet më parë.

Ndaj, sic tregojnë qartë shifrat e vetë qeverisë, trendi i 2013-ës nuk është në ngjitje ashtu sikurse thotë kryeministri, por përkundrazi është pikiata më e fortë që buxheti i shtetit ka parë prej shumë vitesh. 

Buxheti në pikiatë 

Të dhënat e fundit zyrtare tregojnë se gjendja financiare e Qeverisë po përkeqësohet me shpejtësi. Në tre muajt e parë të vitit, të ardhurat e mbledhura në buxhet ishin në total vetëm 75.5 miliardë. 

Kjo është shifra më e ulët që nga viti 2009, një fenomen me të cilin buxheti i shtetit nuk ështe përballur asnjëherë më parë.

Sipas Ministrisë së Financave, krahasuar me vitin e kaluar të ardhurat në tremujorin e parë të këtij viti janë 3.8 për qind më të ulëta. Pasqyrat e detajuara financiare të Qeverisë tregojnë se ky përkeqësim i dedikohet kryesisht rënies së të ardhurave nga taksa bazë e konsumit, Tatimit mbi Vlerën e Shtuar.

Sipas shifrave në tre muajt e parë të këtij viti të ardhurat nga TVSH ishin gati dhjetë për qind më të ulëta se një vit më parë. Rënia e shpejtë e të ardhurave po e detyron Qeverinë të rrisë fort huamarrjen e brendshme për të financuar shpenzimet e saj. Deri në mars Ministria e Financave ka marrë 189 milionë dollarë borxh. Kjo shifër është sa 67 për qind e gjithë planit vjetor për të cilin është autorizuar nga Parlamenti duke vënë në dyshim financimin e deficitit për pjesën e mbetur të vitit.

Ekspertët thonë se rreziku që Qeveria të përfshihet nga një krizë financiare është i madh, jo vetem per shkak te renies ekonomike por edhe nga presionet elektroale mbi buxhetin e shtetit.


/ Top Channel



Facebook


Më shumë nga ekonomia
Ahmetaj, në krye të vizitës në Rumani
Ministri i Zhvillimit Ekonomik, Tregtisë dhe Sipërmarrjes, Arben Ahmetaj kryesoi vizitën e delegacionit shqiptar në Bukuresht. Ndër takimet e zhvilluara gjatë dy ditëve të qëndrimit në Rumani ishte edhe takimi me kryeministrin Victor Ponta.
Forumi ekonomik i Kroacisë
Nga forumi Brown në Kroaci, ministri i Energjisë dhe Industrisë, Damian Gjiknuri kërkoi mbështetjen e Bashkimit Europian për degëzimin e gazsjellësit Trans Adriatik me atë Jon-Adriatik, çka sipas ministrit do të shtonte shanset dhe mundësitë e vendit në tregun rajonal dhe më gjerë.
Nafta, çmimi më i lartë në Europë
Ndonëse kanë të ardhurat më të ulta në Europë, shqiptarët e paguajnë karburantin më shtrenjtë, jo vetëm se fqinjët e tyre, por edhe se qytetarët e ekonomive të zhvilluara.
Reagojnë kompanitë e sigurimeve
Pas kritikave për draftin e ligjit dhe shqetësimeve të ekspertëve rrugorë, kanë reaguar kompanitë e sigurimeve.
Beteja për fondet e BE-së?
Një ligj i ri që siguron edhe depozitat e shoqërive të kursim kreditit ka çuar në përplasje mes këtyre shoqërive dhe Agjencisë së Depozitave. Konflikti lidhet me shumën që sigurohet në rast falimenti, e cila për bankat është 2.5 milionë lekë ndërsa për shoqëritë kreditit vetëm 1 milion.


Lajmet kryesore

E vërteta e të ardhurave në buxhet
Akuzat për ushtrinë zbresin në Kuvend
Berisha: Kemi fakte nga SHIU. Rama: Çojini provat në prokurori
Akuzat për drogë nga Gjadri
Prokuroria: Po verifikojmë akuzat
Ndërron jetë shkrimtari Garcia Marquez
Mazhoranca i jep fund pritjes së opozitës
Ahmetaj, në krye të vizitës në Rumani
Më të lexuarat
Temat e ditës
Ukraina, Akuzat për ushtrinë, Eksplozivi, Lindja e Mesme, Arsimi, Irani, Aksidente rrugore, Siria, Reforma territoriale
Top Channel 2001-2014
Ndalohet riprodhimi i paautorizuar i permbajtjes se kesaj faqeje.