Nikoliç kërkon falje për Srebrenicën

“Gjunjëzohem dhe kërkoj falje në emër të Serbisë për krimin që është kryer në Srebrenicë. Kërkoj falje për krimet, të cilat në emër të shtetit tonë dhe popullit tonë, i ka kryer cilido individ”, ka thënë Nikoliç.

Ai i ka bërë këto komente në një intervistë për televizionin publik në Bosnjë, e cila do të transmetohet më 7 maj.

Nikoliç ka thënë gjithashtu se, serbët e Republikës Serbe të Bosnjes janë boshnjakë, “edhe pse disa prej tyre nuk dëshirojnë të quhen të tillë”.

Deklarata në fjalë përbën një pendim të presidentit serb, i cili në fillim të mandatit të tij kishte deklaruar se masakra e Srebrenicës nuk ishte genocid, por vetëm një krim i rëndë lufte.

Deklarata shkaktoi një acar politik në rajon, pasi u bë në një kohë të afërt me përvjetorin e masakrës që u mori jetën rreth 8 mijë burrave dhe djemve myslimanë.

Deklarata e Nikoliç shkaktoi edhe reagimin e presidentit amerikan Barack Obama, i cili e dënoi ashpër atë, duke e cilësuar ngjarjen si një nga më të errëtat në Ballkan.

Top Channel