01:33 Select R
02:15 Serial "Kujdesu per mua" R
Programi i plote
PUBLICITET
Listat e deputetëve
06/05/2013

Listat e deputetëve
Listat e deputetëve u shndërruan në çështjen e ditës, ndërsa deri në mesnatë, të gjithë partitë pjesëmarrëse në këto zgjedhje të 23 qershorit duhet të përcaktuan emrat që do të kandidojnë në të gjitha rrethet.

Një temë dinamike dhe në zhvillim, ajo e listave u përcoll mbrëmjen e së hënës me lidhje të shumta direkte nga selitë e PS, PD dhe LSI në studion e Rudina Xhungës, në emisionin e përjavshëm “Shqip”, ku ishin të pranishëm edhe katër analistë të mirënjohur të shtypit shqiptar.

Eduart Zaloshnja, Shpëtim Nazarko, Lufti Dervishi dhe Arjan Vasjari komentuan në kohë reale zhvillimet e vrullshme politike, duke u përpjekur njëkohësisht që të përkthenin përmbajtjen e numrave e kalkulimeve të paqarta të momentit.

I pari që nisi vlerësimin e informacioneve paraprake, zoti Nazarko, tha se: “Po bëhet shumë zhurmë për asgjë. E gjithë historia e këtyre listave, ajo që ia vlen të debatosh është treshja e PS që është futur tek Partia Demokratike. Duket sikur ndodhemi në Shqipërinë e vitit 1913 tek Viti i Mbrapshtë, si ajo barcaleta, që prifti ishte njëkohësisht hoxhë në fshatin tjetër. Këtu kemi deputetë me 20 vjet histori në një forcë, si Kastrioti Islami, që kalon nga ana tjerër dhe asnjëra nga palët nuk ka turp, ndërsa në duhet të kthehemi pas e të kujtojmë dramën enveriste si ndaheshin në të kuq e blu. Le të shpresojmë që jemi në aktet e fundit të kësaj klase politike që po degjeneron. Tek PD, ajo që më bën përshtypje është ndryshimi i 40% të listës, ndoshta siç bëjnë partitë e mëdha që nuk tregojnë emrat deri në fund, sepse është shumë e rëndësishme të dish kë ke në secilin qark, për të gjetur peshën korresponduese”.

Në komentin e tij mbi listat, me doza të qarta ironie, Dervishi theksoi: “Unë mendoj se dita e sotme e zgjedhjeve ka shkuar qetësisht, pa incidente e këto zgjedhje tregojnë që kemi një lloj problemi. Kjo është dita e zgjedhjeve pasi mësojmë emrat e 90% të Parlamentit të ardhshëm, këto zgjedhje kanë dy vota, vota e PS dhe e PD, dy vota që përkthehen në 120 mandate”.

Sipas Dervishit, “Ne sot mësojmë se cilët janë deputetët që do të ulen në shtator në Parlament, zgjedhjet bëhen për 14-15 vende në rastin më të mirë. Kjo ngre një pikëpyetje të madhe mbi demokracinë, nuk ka gjë më të rëndësishme se cilësia e Parlamentit të ardhshëm e sistemi u ndryshua duke thënë se në mazhoritar kishte njerëz me muskuj e me para, e duhet t’i japim vendit cilësinë e Parlamentit. Gjithashtu, do të shohim deputëtët e përmendur në Ëikileaks si deputetë me lidhje kriminale, a do të jenë përsëri në listë. A do të ketë njerëz të papërfolur për afera, sa i kanë rezistuar krasitjes ata njerëz që kanë dhënë kontribut real në këto vite”.

Për Vasjarin, “ky moment, më së shumti duhet t’i përkiste burokracisë politike nëse do të ishim në një realitet normal. Prezantimi i listave nuk do i shkonte orës 25, pak a shumë po vërtetohet ajo që kryesisht  analistët e kanë thënë më parë që 23 qershori do të jetë një betejë taktike se sa betejë platformash dhe edhe kjo është provë e mbizotërimit të takticitetit në ofertën politike. Ajo që unë shikoj, duke diskutuar mbi këtë pandehmë, pasi s’kemi të dhëna zyrtare, konstatoj se kemi mbizotërimin e kristalizimit përfunditmar të dominancës së kryetarëve. Praktikisht, partitë shqiptare po shndërrohen në struktura monokratike dhe kolegjialiteti nuk ezkstion, mungesa e transparencës, hermetizmi ekstrem e provojnë këtë si tezë. Një element tjetër, për të cilin më vjen keq, është pjesëmarrja e ulët e shoqërisë civile e mjediseve akademike. Ky kalcifikim partikratik shpjegon gjithashtu se partitë i drejtohen kryesisht elektoratit militant. Unë nuk shoh fashë të moderuar brenda partive, ndryshe nga çdo parti moderne në botë, këtu nuk e shoh dhe edhe elementë e rinj që pa dyshim do korruptohen në strukturat partiake janë të detyryar t’i nënshtrohen logjikës agresive e refraktare të kryetarëve të tyre”.

Në lidhje me listat, Zaloshnja nuk i konsideroi si vendimtare, duke theksuar se ndarja e pushtetit është bërë që në 24 prill, ditën kur u shpallën koalicionet. “Gjëja më e rëndësishme, në funksion të rezultatit është padiskutim 24 prilli. U rreshtuan kampet dhe u ndanë kufinjtë. Vendimet e sotme janë taktikë, nëse përdorim një metaforë. Dihet kush janë finalistët dhe tani diskutohet cili do të jetë sulmues, e mesfushor, etj. Të mos i neglizhojmë, janë vendime të rëndësishm, në Durrës fjala vjen, fakti që nuk u kandidua zoti Duka dhe u shpall ky vendim, ishte një gabim taktik, që vështirëson jashtëzakonisht për të majtën marrjen e mandatit të shtatë”. Në vijim të emisionit, të njëjtin konkluzion, Zaloshnja do të arrinte edhe për përjashtimin nga listat e PS-së të deputetit Arben Malaj.
 

/ Top Channel










Më shumë nga politika
Minoritarët kundërshtojnë hartën e re
Katër komuna me shumicë të popullsise minoritare kanë kundërshtuar draftin e reformës territoriale që shkëput 8 fshatra nga këto komuna, territore që sipas draftit aktual do të bashkohen me bashkitë e Sarandës, Delvinës dhe Konispolit.
Topi: Reforma, edhe pa opozitën
Ish-presidenti Bamir Topi e quan absurd konsiderimin minoteritet të Himarës.
“Reforma në drejtësi duhet të jetë e thellë”
Deklaratat në Fb, rrëzohet padia ndaj Tahirit
Gjykata e Tiranës zbardh vendimin në të cilin argumentohet se përse rrëzoi padinë e ish-ministrit të Brendshëm, Flamur Noka dhe ish-zëvendësminsitrit të Brendshëm Arben Ristani, të cilët pergjatë një beteje gjyqësore kërkuan dëmshpërblim nga ministri i Brendshëm Saimir Tahiri për shkak të një statusi të vendosur prej tij në rrjetin social Facebook.
PD mbështet presidentin për drejtësinë
Në ditën që përkon me 1-vjetorin e zgjedhjes si kryetar të Partisë Demokratike, Lulzim Basha ka folur me tone të ashpra ndaj mazhorancës, që sipas tij po kërkon të marrë nën kontroll sistemin e drejtësisë.
Qeveria miraton reformën territoriale
Qeveria i dha dritën jeshile miratimit nga Parlamenti të projektit për ndarjen e re administrative-territorial të vendit. Pa asnjë surprizë të minutës së fundit, Këshilli i Ministrave miratoi mesditën e së martës propozimin e hartuar nga komisioni i posaçëm parlamentar.


Lajmet kryesore

Listat e deputetëve KavajĂ«, vrasje me armĂ« zjarri
Atentat ndaj një 27-vjeçari banues në këtë qytet
Vrasje e pesëfishtë për një fejesë
“Shqipëria, nyje Lindje-Perëndim”
Ultimatum për abuzimin me recetat
Qeveria miraton reformën territoriale
Çmimi i fluturimeve ndëshkon turizmin
Më të lexuarat
Temat e ditës
Lindja e Mesme, Reforma territoriale, Tragjedia ajrore, Drejtësia, Vrasje, Turizmi, Energjia, Kriza greke, Ukraina, Kriza Financiare
Top Channel 2001-2014
Ndalohet riprodhimi i paautorizuar i permbajtjes se kesaj faqeje.