03:35 Film "Capote"
05:35 "Pasdite ne TCH" R
Programi i plote
PUBLICITET
Fëmijët që punojnë në miniera
12/05/2013 17:30

Plot 200 fëmijë të moshës 5 deri në 11 vjeç, janë punëtorë në miniera dhe kantiere ndërtimi. Kjo ushtri fëmijësh punon dhe gërmon çdo ditë në miniera, për t’i bërë ballë urisë së përditshme, duke rrezikuar çdo ditë edhe jetën.

Por, numri zyrtar i fëmijëve 5 deri në 17 vjeç, që punojnë në këto sektorë kaq të rëndë dhe të rrezikshëm, shkon në 800. Këto janë shifrat zyrtare të publikuara së fundmi nga INSTAT, pasi gjendja reale është edhe më e rëndë.

Mungesa e të ardhurave minimale në familje, duke i ekspozuar fëmijët ndaj varfërisë ekstreme dhe mungesës së ushqimit ditor, ka bërë që të paktën 700 fëmijë të punojnë si shitës ambulant në rrugë apo në tregje.

Pjesa më e madhe e fëmijëve, që punojnë, kanë probleme shëndetësore. Numri total i këtyre punëtorëve zyrtarisht shkon në 54 mijë. Në raportin e INSTAT thuhet se 4400 fëmijë, ose 7,2% e tyre, në fund të ditës pohojnë se kanë një lodhje ekstreme dhe shpesh edhe temperaturë.

Një pjesë e madhe manifestojnë probleme me lëkurën, djegie, gërryerje, vështirësi në frymëmarrje dhe diarre, si pasojë e kequshqyerjes. Por, veç kushteve të vështira, me të cilat këta fëmijë ekspozohen çdo ditë, rreth 1900 fëmijë kanë pohuar se ata  rrihen dhe dëmtohen fizikisht gjatë kohës së punës.

Të dhënat e studimit të INSTAT, mbi punën e fëmijëve për vitin 2010, tregojnë se 80% e fëmijëve që punojnë, janë të punësuar në bujqësi. 4,1% u klasifikuan si punëtorë të shërbimeve personale. 3,3% si punëtorë shitjesh në rrugë dhe në treg, dhe 2,9% si punëtorë artizanalë dhe të profesioneve të tjera.

Fëmijët, që punojnë si punëtore me pagë, përbëjnë 10,4% të numrit total prej 54 mijë të miturisht të punësuar. Këta fëmijë arrijnë të grumbullojnë një shumë mujore prej rreth 12.500 lekësh.
/ Top Channel







Më shumë nga socialja
Kontrollet në universitetet private
Ministria e Arsimit ka bërë publike shkeljet e konstatuara në Shkollën e Lartë Ndërkombëtare. Nga 37 kritere që duhet të përmbushë një institucion jopublik i arsimit të lartë, kjo shkollë ka shkelur 16 prej tyre duke zhviluar programe arsimore të paliçencuara.
Protestë për banesa sociale
Pas miratimit të listës së familjeve të pastreha të cilat përfitojnë nga skema e apartamenteve me kosto të ulët nga Bashkia e Korçës, ka erdhur edhe reagimi i familjeve të cilat pavarësisht se kanë aplikuar nuk kanë mundur të jenë përfituese.
Paralajmërimet e fundit për duhanin
Të gjitha subjektet private por dhe institucionet publike duhe të përgatiten për të mos lejuar askënd të konsumojë duhan në ambientet e tyre të mbyllura, pasi më 23 gusht hyn në fuqi ligji i ri anti-duhan, i cili me ndryshimet e bëra parashikon për herë të parë ndëshkim me gjobë edhe për duhanpirësin.
Korçë, protestë për banesat sociale
Një grup të pastrehësh në qytetin e Korçës protestuan para bashkisë së qytetit ndërsa po mbahej mbledhja për ndarjen e banesave sociale.
Heroi i heshtur Pandi Toçe
Pandi Toçe u largua nga kjo jetë shumë ndryshe nga njerëzit e zakonshëm. Ai nuk u mbyt në liqen nga depresion, nuk u dorëzua përpara sfidave të shumta që jeta i solli, por zgjodhi të ikte nga kjo jetë si një hero i heshtur.


Lajmet kryesore

Fëmijët që punojnë në miniera
“Shqipëria, rol kyç në Samitin e Berlinit”
30 vjetori i vizitës së Strauss-it, Singhammer: Jeni faktor i stabilitetit në rajon
PD takon delegacionin gjerman
Ndarja e re nuk do të dekretohet?
Kontrollet në universitetet private
Samiti ballkanik i Gjermanisë
Opozita, brenda dhe jashtë Kuvendit
Më të lexuarat
Temat e ditës
Turizmi, Arsimi, Lindja e Mesme, Ukraina, Reforma territoriale
Top Channel 2001-2014
Ndalohet riprodhimi i paautorizuar i permbajtjes se kesaj faqeje.