15:35 Select
16:29 TF "100 vitrinat"
Programi i plote
PUBLICITET
Samanta Karavella fiton “Top Fest 10”
09/06/2013 00:15

Samantha Karavella është fituesja e "Top Fest 10" me këngën e saj "Loti i fundit". Mes emocionesh, Samanta falenderoi bashkëpunëtorët e këngës së saj, si dhe ata që e votuan në këtë mbrëmje spektakolare, të festivalit më të madh të muzikës moderne shqiptare.

"Jam shumë e emocionuar, nuk e prisja që ta fitoja unë", ishin fjalët e para të artistes, pas marrjes se çmimit, që u prezantua nga fituesja "Top Fest 9", Elhaida Dani.

Në mbrëmjen finale të edicionit të 10-të të "Top Fest," u ngjitën në skenën gjigante të Pallatit të Kongreseve, artistë nga mbarë trevat shqiptare, të cilët performuan live në kategori të ndryshme. Fituesja e madhe u përzgjodh me votat e jurisë së festivalit, bashkuar me votat që publiku dha pas një televotimi të hapur në minutat e fundit të finales.

Ja, fituesit e kategorive

Në kategorinë "Best Group", çmim i mbështetur nga "DigitAlb", Offchestra u përzgjodh si grupi më i mirë, duke qenë në konkurrim me "Lynx", "Burn", "NA". Çmimin për këtë grup e dhanë 4 finalistët e "Big Brother 6" Anaidi, Iliri, Shpendi dhe Elona.

E bërë nënë ditët e fundit, Eneda Tarifa dha çmimin "Best Male", ku fitues për këtë kategori u shpall artisti Andos.

Ndërsa për kategorinë "Best New Artist", çmimin e fitoi "The Code", që ishte në konkurrim me artistet e reja Jozefina Simoni, Ajsel dhe Leonora Ajdari. Këtë çmim, ne emër të "Fondacionit Dritan Hoxha|, e dha Lori Hoxha.

Marsela Çibukaj, e shpallur e dyta në "The Voice of Albania 1", është këngëtarja me e votuar në internet.  Çmimin e Internetit për Çibukajn e dha përfaqësuesja e AMC-së, ndërsa vetë Marsela u shpreh e lumtur që u përzgjodh nga publiku në internet.

Një artiste që është rritur me "Top Fest", Naza fitoi çmimin 'Top Albania Radio', me këngën e saj "Dëgjo zemrën".

Dy prej fituesve të "Top Fest" ndër vite, Greta Koçi dhe Stine shpallën fituesen e Çmimit "Best RNB". Mes Mjellmës, Jozefina Simonit, B2N dhe Ajsel, kjo e fundit u shpall fituese e kësaj kategorie.

Venera, fituesja e "The Voice of Albania 2", prezantoi të nominuarit për çmimin "Best Pop Rock", të cilët ishin Andos, |Copyleft", Diellza dhe Kamelaj Islamaj. E mirënjohura Islamaj u përzgjodh si më e mira për këtë kategori.

Samantha Karavella u shpall fituese për kategorinë "Best Female". Çmimi u shpall nga një emër tjetër fitues i "Top Fest", Mentor Haziri, ndërsa të nominuara ishin Alberie Hadergjonaj, Marsela Çibukaj dhe Beatrix Ramosaj.

Një nga fituesit më të pëlqyer të "Top Fest", Alban Skënderaj shpalli çmimin "Best Balade". Ky çmim shkoi për Albërie Hadërgjonajn, e cila ishte në nominim bashkë me Beatrix Ramosajn, Andos dhe Rezarta Smajan.

Show dhe surpriza

Një prej surprizave të kësaj mbrëmjeje ishte performanca në kërcim modern e dy prezantueseve, motrave Luana dhe Marina Vjollca, të shoqëruara nga trupa e baletit e Top Channel.

Pike kulmore e spektaklit te ketij jubileu te "Top Fest", ishte kur ne skene u ngjiten disa prej fituesve te festivalit te muzikes moderne shqiptare qe prej fillimit te tij. Publiku i mesuar me tekstet e kengeve qe u bene hite, kenduan ne kor bashke me kengetaret e tyre te zemres, si Alban Skenderaj, Eneda Tarifa, Mentor Haziri, Stine, Greta Koci dhe ne fund por jo me pak e rendesishme, e supersuksesshmja Elhaida Dani.



/ Top Channel










Më shumë nga muzika
Albano më në fund bën paqe me Rominën
Albano më në fund ka bërë paqe me Rominën duke nisur një “jetë të dytë” me njëri-tjetrin. Më 5 gusht në Spanjë, Albano së bashku me ish-bashkëshorten e tij Romina Power do të performojnë në një koncert. Këtë lajm Albano e ka bërë të ditur për revistën “Gente”.
Nicki Minaj promovon me tanga këngën e saj të re
Nëse e keni pyetur ndonjëherë veten si mund të duken tangat më të vogla në botë, nuk keni pse kërkoni më tutje: mjafton të shihni këngëtaren Nicki Minaj në foton promovuese të këngës së saj më të re me titull ‘Anaconda’.
Lana Del Rey: Kam fjetur me shumë meshkuj në industrinë e muzikës
Lana Del Rey ka shkaktuar shumë zhurmë me këngën e saj të re “F……d my way up to the top”. Ajo ka pranuar  që ka elemente të së vërtetës në tekstin e këngës që është pjesë e albumit më të ri “Ultraviolence”.
Coolio vjen me një “parajsë pornografike”
Coolio, i njohur nga të gjithë me “Gangsta’s Paradise” të viteve ’90, duket se është ankoruar në një “fushëbetejë” me shumë të ndenjura, duke u kthyer në qendër të vëmendjes së showbizz-it muzikor.
Suksesi i Ermonela Jahos
Ermonela Jaho, ylli shqiptar i ‘Bel canto’-s, korr suksesin e radhës në Operën Mbreterore të Londrës me ‘La Boheme’ të Puccini-t, një produksion që këtë vit shënoi 40 vjetorin e vënies në skenë në kryeqytetin britanik.


Lajmet kryesore

Samanta Karavella fiton “Top Fest 10”
Festa e Fitër Bajramit
Klerikët kërkojnë nga qeveria xhaminë e re
Politikanët urojnë besimtarët myslimanë
Bajrami, festë edhe në zonat e luftës
Në kërkim të parave të vjedhura
Arvizu: Të gjendet kompromis për reformën
Hakerat, sulm faqeve të ministrive, akuza Ramës
Më të lexuarat
Temat e ditës
Ukraina, Lindja e Mesme, Reforma territoriale, Tragjedia ajrore, Vjedhja e Bankës, Siria, Integrimi
Top Channel 2001-2014
Ndalohet riprodhimi i paautorizuar i permbajtjes se kesaj faqeje.