Reeker viziton Shkupin

Këtë qëndrim Reeker ia ka përcjellë të hënën në Shkup presidentit maqedonas Gjorgje Ivanov dhe kryeministrit Nikolla Gruevski.

“Është koncepti i njëjtë si ai mes Kosovës dhe Serbisë. Ata pranuan një drejtim përpara, duke u angazhuar në negociatat e ndërmjetësuara nga Bashkimi Evropian dhe arritën marrëveshjen e 19 prillit, ndërsa tani po punojnë në implementimin e saj. Jemi të kënaqur që ndëmjetësi Nimiç ka shtruar një propozim për zgjidhjen e emrit dhe besojmë se është momenti për të punuar në këtë çështje. Në e mbështesim proçesin për zgjidhjen e problemit të emrit, për tejkalimin e të cilit nevojitet vullnet dhe dëshirë”, ka deklaruar Reeker.

Zyrtari i lartë amerikan me autoritetet maqedonase ka folur edhe për nevojën e forcimit të dialogut politik në Maqedoni.

“Dialogu është shumë i rëndësishëm. Opozita konstruktive ka rol të rëndësishëm në çdo demokraci. Mendoj se dialogu në Maqedoni ishte sfiduar dhjetorin e kaluar, që ishte shumë evidente. Ne besojmë se rifillim i dialogut mes pushtetit dhe opozitës është një shenjë e mirë dhe paraqet mundësi për të përmisohet komunikimi politik”, ka thënë ai.

Në takimet e ndara që patën me zotin Reeker, presidenti Ivanov dhe kryeministri Gruevski thanë se prioritet kryesor i Maqedonisë është çelja e negociatave me Bashkimin Evropian dhe anëtarësimi i vendit në NATO.

Top Channel