17:00 Exclusive R
17:30 Lajme e Moti
Programi i plote
PUBLICITET
DASH thërret ambasadorin kosovar
28/06/2013 16:00

DASH thërret ambasadorin kosovar
Departamenti amerikan i Shtetit ka reaguar lidhur me pengimin që iu bë ambasadores amerikane në Prishtinë, Tracey Ann Jacobson, për të hyrë në ndërtesën e Kuvendit për të marrë pjesë në seancën e ratifikimit të marrëveshjes Kosovë-Serbi.

Sipas së përditshmes kosovare “Zëri”, DASH ka thirrur në një takim ambasadorin e Kosovës në Uashington, Akan Ismajli për t’u ankuar për dështimin e shtetit të Kosovës në dhënien e sigurisë së nevojshme ambasadores Jacobson.

Një ditë më parë, që prej orës 9 të mëngjesit lëvizja Vetëvendosje protestoi kundër ratifikimit të marrëveshjes, duke bllokuar të gjitha hyrjet e Kuvendit të Kosovës.

Policia u përplas me protestuesit në hyrjen mbrapa selisë së Kuvendit, teksa përpiqej t’i largonte ata për të mundësuar hyrjen e disa deputetëve dhe ambasadores Jacobson.

Më pas ambasada lëshoi një komunikatë për shtyp ku e dënonte këtë veprim të Vetëvendosjes, duke thënë se me anë të kësaj sjelljeje kjo lëvizje po dëmton reputacionin e Kosovës.

Gjatë përplasjeve me policinë u arrestuan të paktën 68 protestues të Vetëvendosjes si dhe u lënduan 17 policë. Tensione pati edhe në sallën e Parlamentit, ku deputetët e VV kundërshtuan paktin e 19 prillit dhe i morën me forcë mikrofonin kryetarit Jakup Krasniqi, i cili do të niste votimin e amandamenteve të projektligjit. / Top Channel










Më shumë nga Kosova
Vizat, vlerësim negativ për Kosovën
Rritja e madhe e numrit të azilkërkuesve kosovarë, në vendet e zonës “Schengen”, ka qenë indikatori kryesor ndikues në vlerësimin negativ, që i ka bërë Komisioni Evropian Kosovës, në procesin e liberalizimit të vizave.
“Brenda vitit data për heqjen e vizave”
Ministrja e Punëve të Jashtme e Italisë, Federica Mogherini ka qëndruar për vizitë në Prishtinë ku ka rikonfirmuar mbështetjen italiane dhe evropiane për Kosovën.
KE: Kosova, ende punë për vizat
Komisioni Evropian ka prezantuar raportin e tij të dytë për progresin e Kosovës në përmbushjen e kërkesave të udhërrëfyesit për liberalizimin e vizave.
Kosovë, Haradinaj akuzon Thaçin
Vendimi i Gjykatës Kushtetuese të Kosovës për pezullimin e vendimit të zgjedhjes së kryetarit të Parlamentit duket se ka tensionuar liderët e koalicionit LDK-AAK-Nisma.
Thaçi bën thirrje për qetësi
Kryeministri i Kosovës Hashim Thaçi ka ftuar të gjithë spektrin politik në vend që të kenë durim dhe të presin përfundimin e procesit që po trajtohet nga Gjykata Kushtetuese, për të vazhduar pastaj me formimin e institucioneve të reja të vendit.


Lajmet kryesore

DASH thërret ambasadorin kosovar
Hajduti i Bankës, bixhozçi profesionist
Banorët e lagjes: Tërë kohën e kalonte në kazino e loto sporti
Italia: Mos humbni kohë për negociatat
Basha: Rama po zhbën demokracinë
Duke kërkuar shpëtimin tek Zoti
PD: Policia dhunon familjen dhe pronën e saj
Mbështetja e agro-përpunimit
Më të lexuarat
Temat e ditës
Ukraina, Siria, Vrasje, Lindja e Mesme, Integrimi, Trafiku i droges, Reforma territoriale, Drejtësia
Top Channel 2001-2014
Ndalohet riprodhimi i paautorizuar i permbajtjes se kesaj faqeje.